MPF投資中國債市:未死過呀

星島:陳家強:爭取MPF投資內地債市

本來香港強迫市民益班基金佬已經好谷氣,依家政府仲千方百計諗住呃市民嘅棺材本落火坑,就更加接受唔到。

中國啲債本來喺國際上已經有啲難trade,因為一旦default咗係唔知點處理,始終唔係一個喺自由市場買賣嘅product。只不過投資市場,任何高風險產品,包括破咗產嘅公司嘅CDS都有人賭一餐,咁就算。

但依家係中國啲大公司大銀行頻頻喺海外發債,發到唔少玩開fixed income product嘅友仔,對中國公司嘅融資質素抱有懷疑態度,一旦中國經濟硬著陸就分分鐘rating大變,甚至引發違約事件。你依家仲話要俾MPF投資中國債市產品,你想呃香港人嘅MPF嚟救上面啲無底洞,陳局長,你有無良心㗎。

我嘅睇法係,絕對反對將你嘅MPF投資喺中國債市之上,陳家強快啲搞好MPF自由行先。但我嘅睇法,儘快廢除MPF最實際。



3 thoughts on “MPF投資中國債市:未死過呀

  1. 陳局長不知精過鬼,佢就用你地廣大人民的MPF去買國入地方政府債券(死咗九乘)去救班貪官,貪官就已經袋袋平安,陳局長又可以擦呀爺鞋,升官就話咁快,2017年特首都有得佢做,香港人就墊屍底,MPF根本幫唔到香港人!!!

發表迴響

你的電子郵件位址並不會被公開。 必要欄位標記為 *