選委投票

由2004年開始,小弟因iProA會員身份,有權選資訊科技界選委。而無可否認,呢個咁厭惡性嘅選舉,係唔係都要投票。

今年嘅投票策略,我好早喺蘋果日報、新報寫咗,就係泛民越有鐵票越好,梁唐兩條友打到越勁,泛民選舉越多對大家越著數,就係咁簡單。泛民有接近兩百張選委飛,跟住梁唐各人百零張鐵票,中間成班花生友唔知做乜,北京十八大權鬥越亂,班友越唔知點投,屆時玩出個憲制危機,就乜都可以發生。

所以越想搞到天下大亂,越應該走去投票,千祈唔好火遮眼唔投票,何俊仁天真咁想入去就由佢入去玩。就係要搞出個特首難產嘅亂局出嚟,跟住有乜可以做,大家自然會識做。

所以IT界我會投咗ITVoice全票,跟住其他界別,大家照泛民嘅名單投完,然後食花生就得。我唔係認為何俊仁有勝算,亦唔係支持佢做特首,只不過要搞到個局要夠亂,香港人可以有機可乘,投泛民呢班友有利無害就係。

反而我想睇種票大戰種成咁,唐梁兩條友狗咬狗會唔會咬出啲膠出嚟,泛民贏嘅人越多,梁唐兩邊越有意欲互篤,就越有花生食。所以我今年唔落場打,食吓花生都唔錯。



8 thoughts on “選委投票

  1. 在泛民中,我只投單仲偕。其他有王維基,高登CEO及Dr. Winnie Tang.
    還有是ICT動力及電腦學會會員。昨日在中大參加 深港「雲計算及數據中心」合作集思會 暨 交流計劃啓動式 和很多選委候選人接觸。

  2. In other words, the ideal situation for us would be to have the pan-democrats play the role of “King Maker”, that way, both the Leung and Tang factions will be forced to make concessions from the pan-democrats in order to get the require 600 votes to win control of the city.

    That is, if they can secure at least 100-150 today. Good luck everyone, we’ll need it.

  3. 有一句神父教過的說話十分深刻: 遊行的時候唔好停寧願慢 (雖然當時不是指上街遊行, 而且方向錯例外)

  4. 有愛國政協話選委選舉是小圏子選舉喎,真是山洞裡的洞見了!愛國領導人一向玩制度玩到成無制度架啦,其中一個祖國偉大構思便是,One God, two See.

發表迴響

你的電子郵件位址並不會被公開。 必要欄位標記為 *