St.Michel小蛋糕同士多啤梨撻

小弟一直都埋怨,香港缺乏美食,我出去公幹最大慰藉,都係美食。但依家歐洲刺激出口,香港多番啲各國美食咁。

St.Michel產品頁

小弟喺銅鑼灣一間七仔發現,St. Michel嘅小蛋糕,買咗一包返屋企試,驚為天人,因為蛋糕濃濃嘅蛋味,香港食嘅小蛋糕都搵唔到(你有幾可喺香港食到有濃郁蛋味嘅蛋糕,你懷疑有人用假蛋就有)。之後再去附近間廿四小時惠康,掃埋盒士多啤梨撻,口感又係一流,至少食材係堅嘅先。而且包裝係用瓦通紙保護住啲撻,你唔會攞番屋企攞住啲碎撻先。

味道好唔錯,如果你行過七仔同惠康,可以留意吓有無呢個品牌嘅產品,話雖廿幾蚊貴咗啲。但好過食三聚氰胺落肚。

後話:呢個blog會寫啲各國飲食見聞,我諗要應付香港中國化趨勢其中一個方法,係提倡同建立正常嘅飲食口味。當你知道乜叫真好味,你至可以抵禦中國啲假食物。鍊金術係鍊唔到真正食材嘅好味道。



2 thoughts on “St.Michel小蛋糕同士多啤梨撻

  1. 但你話講多D飲食,令我諗起Facebook「你們的幸福」,影D食物相在facebook 分享同曬。

  2. 我覺得香港雪糕太小款式,早幾年去俄羅斯的一樣發現,就是有很多平但好好味的雪糕,而且,街上會不難看見俄羅斯女士飛釘。

發表迴響

你的電子郵件位址並不會被公開。 必要欄位標記為 *