英國佬嘅Min Pay找數算盤

近排申請BN(O)嘅友仔,應該收到新版直接由IPS製作嘅護照,但係新版護照有兩件幾奇嘅事。

1. 你會收到NHS呼籲簽器官捐贈卡嘅廣告,但呢個可以解釋係因為海外BC一同處理,順個便咁解。

2. 裡面內頁對英國居留權嘅註釋係改咗,舊版係咁寫

British Citizens have the right of adobeabode in the United Kingdom. No right of adobeabode in the United Kingdom derives from the status, as British nationals, of British Dependent Territories citizens, British Nationals (Overseas), British Overseas Citizen, British protected persons and British subjects

過往係絕對斬釘截鐵,講明BN(O)一定係果批無英國居留權嘅人。但依家改為,如果Observation Page有寫有英國居留權,都可以算數。古惑嘢,就係呢度出現。

依家嘅BN(O)設計係工黨時期產品,工黨時期一直諗緊為BN(O)找數嘅問題,因為唔再找數嘅話,當中國大亂英國佬就俾「利息」俾到死,要被美國佬推到重返香港一啲都唔好玩。如果工黨無意找數,亦唔會喺Citizenship Review中承認BN(O)係歧視,因為Goldsmith Report係令到歐洲無國家夠膽係EU Citizenship問題上喺法庭賭(英國政府文件承認係歧視,你仲想打條春)。 工黨要諗條唔駛點過國會,但又能夠找數嘅橋。

而以上新註解,正係Min Pay找數嘅絕橋,當所有英國護照都喺本土印果陣,因為BN(O)係一定要印Oberservation Page,英國佬唔駛修法,唔駛經國會,靜雞雞找數嘅方法就係喺Oberservation Page加上一句本護照持有人有UK Right of Adobe,立即找數,但本護照照依舊係無EU,照舊係BN(O),但係一本有居英權嘅BNO。而大臣被國會議員問果陣,由於有啲BOTC已經同時身兼BC,可以話,我地為咗BOTC嘅出入方便,所以改做咁嘅設計啫。

當然咁樣Min Pay找數,仲絕過派EU Citizenship找數,我估英國人係有心理準備一旦中國大亂,或者美國佬想迫佢,都係要硬啃,依家係睇你點啃啫。英國反移民浪潮咁勁,真係橫又死掂又死,諗條最能夠找數嘅縮數最實際。呢班英國古惑政客,真係同啲古惑債仔有得揮。

後話:果件聲稱自已喺愛爾蘭出嚟嘅友仔,唔駛捉我打錯字,呢啲喺海外嘅五毛想轉移視線,我諗呢啲友仔仲無恥。所以我唔駛print screen,但啲五毛嘅ID我全部會記低。
月捐計劃









36 thoughts on “英國佬嘅Min Pay找數算盤

  1. Granting ROA of the UK is not the same as granting full British Citizenship. Why not granting full British Citizenship instead?

  2. To Felix: 仲有一樣,英國佬唔想BNO嘅非英國本土出生子女可以將國籍傳落下去。所以話,呢班友喺度俾Min Pay。

    我收到唔少個案,話申請BNO會問有無申請回鄉證同特護,我懷疑係有古怪部署喺後面,同呢個Note有關。

  3. 唔通真係為左keep住找條數唔好咁大,要從來無申請回鄉證同特護既人先比個ROA你….
    如果係咁確係夠晒min 既pay,我亦都輸得心服口服,相信有bno而又符合呢個資格既人會比300幾萬少好多

  4. 唔通真係為左keep住找條數唔好咁大,要從來無申請回鄉證同特護既人先比個ROA你….<<<真係要玩到咁? 如果真係咁, 真係幾荒蕪!!

    350萬英籍港人, 七除八扣, 最多都得250萬, 如果仲要減埋拎左HKSAR PP既, 50萬都唔知有冇!!

  5. 不過傳BC俾下一代又有另一問題, 就係中港夫婦生出黎既小朋友, 真係俾佢地班大睦女人+佢地個B拎埋BC? 真係好X大獲!! 人數可能去到唔知幾多百萬, 仲有可能因為個英籍令到港女同大睦女人係香港爭仔!!

  6. 但係有特區護照同回鄉証都唔代表佢地在中國有ROA喎。
    仲有以後大家續BN(O)要醒目喇。

  7. To Felix: 家庭團聚在英國都有關卡。蝗蟲要嫁一件BC難度已經高,BN(O)又唔可以世襲。佢地要在英國生活,得!考下Life in UK + 語言能力同埋大英歷史先,兼個佬要有能力包養佢地唔駛做福利寄生蟲先啦。

  8. 註:有誤,蝗蟲嫁件BN(O)其實唔難,嫁件BC則有難度,需知香港因居英權得來的BC是有歧視成分。

  9. 本來係CUKC的BNO人, 本護照被加上ROA, 會馬上變回BC?

    但而家新續BNO有無被加上ROA先?

  10. 請問有冇收過新續BNO護照o係observation page送埋個UK-ROA比佢??
    另外,其實我有冇無申請過回鄉證同特護係同英國無關,我可否直接拒絕回答?

  11. Apart from British citizens and BOTCs, is there any other category of British nationality that may have the right of abode in the UK? As far as I know no other category would confer UK right of abode; those who have access to right of abode did so by registration as British citizens. (British Subjects related to Ireland have the right to enter and stay in the UK without any restriction, i.e. de fact right of abode, but that isn’t officially right of abode.)

  12. 就算bno真係轉bc, 其實唔難, 都要有條件, 我諗首先要冇特護, 其次係2揀1, 1係去英國1係留係香港生活, 試問幾多人可以放底香港既事業同朋友, 過到去分分鐘食風

  13. 不嬲法律這回事你說要公正?需知法律不是黑與白,人寫出的法律,不論幾完善也好,始終會有人鑽空子,這不是執權者或訴訟者專有的權利。執權者稍有優勢在於他們可以有更好的法律支援。我不覺得是所謂偷呃拐騙,只不過是雙方不斷在找著數。我只不過從中看到兩批人,一批是官僚畏縮甚麼也不敢做(某組織)、另一批是拿了著數後反而幫英國政府為虎作悵(我不在這兒說了,Hans知道我在說某人版)。
    鑽空子不是罪,說白一點是現實的副產物。不過做人要有良心囉。

  14. 真的嗎?但是聽講明年英國取消 post-study work 的一年 visa。以前英國畢業的外地生,仍可以留多一年,有緩衝期慢慢搵工都得,宜家係,一畢業如果搵唔倒工,唔該即刻扯,好明顯係想防止外地生搶走本地生飯碗。好幾個英國讀書的人都係咁講,你揸 BNO 一樣好難留低。而且要搵倒份工都幾難,難在老闆都要幫你填唔少 form 去幫你申請 visa,而且年年續期,連續五年先至可以入藉。除非你真係好傑出,或者你好好彩,都唔係咁易搵倒個老闆咁好人專登請你,而唔請本地人。

  15. 「if the holder’s nationality is shown as British citizen…..」
    但BNO 既 nationality 係寫 British Nationals (Overseas)
    我無理解錯誤的話,佢的意思係British citizen 有right of adobe in UK
    始終都係無講明”非British citizen”有(亦都無話無)
    當然係叫有進步,以前係講到明無。
    另外如果續BNO的時候,佢問有無特區護照,
    世澤兄你認為有特區護照的人應該如實答佢定呃佢算?

  16. 最近辦理BNO,對方問左我以下幾個問題
    問有無特區護照。我:「無申請過。」
    問有無回鄉證。我:「有。」 仲給予他copy埋。
    有無去過澳門?。 我:「有。」
    去澳門做咩?。 我:「旅行。」

    其實有什麼影響?

  17. 以下係高登傳言

    上網見到,有個人話將來的bno可能取消,唔知真定假
    唔好意思,不過,呢個機會好高呀!而且持有過HKSAR PP都可能唔得!出年唔會發生,不過後年就好難講喇!希望唔係啦!

    不過,若果系持有或者曾經持有過HKSAR PP,即使新政策頒布左,都並唔代表你現持有既BN(O)就作廢。只不過個本BN(O)將成為你既最後一本BN(O);用到到期為止,無得再續甘解姐。

    無錯,BN(O)身份終身有效,但是唔代表擁有BN(O)身份人士可以不斷續領BN(O)護照。即使閣下唔俾再續BN(O)護照或者自己唔打算續領,並唔代表失去BN(O)身份。

    你持有過HKSAR PP以及智能身份證之內國籍申報資料IMMD HK都會forward過去英國駐港總領事同埋IPS/HO,以核實申請人。無錯,依家的而且確係部署緊,呢點Martin Oei系猜仲左。但是未必實行,因為依家都未搞點私隱法律問題。

    大家點睇

  18. 你持有過HKSAR PP以及智能身份證之內國籍申報資料IMMD HK都會forward過去英國駐港總領事同埋IPS/HO,以核實申請人。無錯,依家的而且確係部署緊,呢點Martin Oei系猜仲左。但是未必實行,因為依家都未搞點私隱法律問題。

    呢d 唔只係私隱問題咁簡單,我覺得係出賣個人資料往第二個國家,係國與國之的的間諜行為。

  19. I don’t believe the government is to abolish BNO as BNOs are subject to various UK immigration laws and they wouldn’t flood Britain at all. To be honest, as long as the British Government keeping anything unchanged for 10 – 20 years, BNO issues will fade out itself as BNOs cannot be passed this nationality to their children. So, what is the point of the government rushing to wipe off this nationality and trigger a burning question?

  20. TC: Because the British Govenment expect China is not stable enough and one day those problems will provoke…

  21. 各位英籍香港人, 高登D野都好信?

    唔好介意我用詞比較衰: “歌班人seven亂x咁up, 仲要有人信, 大家醒未呀? 條油連Cantonese既字都用錯, 好有可能係五毛啦, 咁都信?”

  22. 講真,要無申請 HKSAR PP 既唔難,要無回鄉咭既,我諗比較難,出o黎做野,唔通要去共國既工就唔做咩?無可能。

    我由始至終只係有申請回鄉咭,而呢個亦都係工作需要而申請。HKSAR PP 就一路都無申請,我都叫我太太唔好申請,我地兩個都係攞住 BN(O)。最大鑊係我兩個小朋友,迫住要攞 HKSAR PP. 希望呢個做法,唔會累到佢地啦.

  23. 97前的BDTC 身份都有回鄉證啦, 咁係咪想借此而作為唔認頭嘅因素先
    再者, 記得97前中英雙方都講過, SAR 同 BN(O) 係可以同時持有而不影響香港人本身的國藉身份問題。依家又想側側膞借嚟想走數????
    奉勸英國佬唔好玩咁盡, 咪到時俾幾方面夾埋一齊迫埋牆角仲恐怖

  24. 真係好笑
    佢地會問有冇特護同回鄉證?
    有冇申請過/擁有過都好
    香港土生華人都自動”被冠有”中共國籍啦
    有分別咩?問黎都多餘!
    土生華人都係因為”被擁有”中共國籍先唔可以轉BC啦…..
    就好似你去續BNO,同你有沒有外國籍 (e.g.新加坡) 完全冇關係啦

  25. 講真, 要冇申請同埋持有過特護唔難, 個問題係回鄉証, 根本現在香港人冇可能冇回鄉証(泛民中人被沒收另計), 就算唔返大陸工作, 去旅行探親學校交流都要用, 咁計齋持BNO人士唔會多過數萬, 當中大多數應該係年紀好細所以仲未去過/去到香港以外地方的人。

  26. 有資格持BNO但從沒有申請過回鄉證及HKSAR PP?小弟有一位親戚是其中之一!不過,他是只小(小學都未畢業)便跟隨父母移民外國,而多年來都不屑回流,甚至旅遊香港/大陸的人。

    這類人絕對是稀有品種,而且我相信大多自小已經移民外國,都不屑那本三不像BNO啦。那些人就算要去大陸都可以選擇用外國護照。

  27. 個人認為英國政府查閱BNO換證人士的中國證件可能只是為了確認申請人的身分,與平權關係未必很大。

    如果某天英國容許同時持有BNO和中國籍但未持中國證件的香港人申請BC,也難保該等人士取得BC後不會向中國申請特護和回鄉證。

    英國也不能預防港人向英方說謊,報稱自己未持中共證件。BNO換證人不向英方提交中國證件,實不能證明他沒有申請中國證件/沒有自願接受中國身分。

    香港身分證上的三粒星,表示持證人有資格申請回港證。
    「香港特別行政區回港證是簽發給以下的香港居民,作往返內地及澳門特別行政區之用:
    • 已取得香港居留權或已獲准在香港不受條件限制居留的中國公民;及
    • 已獲准在香港不受條件限制居留,但無法取得任何國家的護照或其他地區的旅行證件的非中國籍人士。」
    http://www.gov.hk/tc/residents/immigration/traveldoc/permit/eligibility.htm

    但BNO持有人不可能是「無法取得任何國家的護照或其他地區的旅行證件」的。

    故此,只要BNO人向英國提交了三粒星香港身分證,英國便有證據證明該BNO持有人持有中國籍。

    與其英國查閱港人的中共證件,不如查閱BNO人的收入/資產證明,先讓部分港人平權吧。

  28. BN(O) 是否晌備註上加英國居留權,始終主導權晌英國度。我只見過BS同BOC會有呢種加註。當然,BN(O)是否可以加註,我答唔到。

發表迴響

你的電子郵件位址並不會被公開。 必要欄位標記為 *