學壞手勢

今次選舉開心係,一班年青人喺區議會有成績,係真係落區做嘢有成績。但點解泛民好多人,做地區工作做到咁樣衰。

我覺得,有啲同大學學生會有關。

喺中大果陣,好多人知我嘅功績喺啲阿煩膠工作上面,亦即係代表會院委,以及校巴問題。果陣由代表會主席身兼校巴小組,同范記膳委,有啲人都覺奇,乜唔係應該由幹事會做?

中大學生會傳統上係好多人會落手落腳喺學聯呀、示威呀呢啲大事。校政唔係唔理,但好少好實在好似打民生問題咁理,例如聽學生對啲設施使用嘅意見,從而提出改革。當時我咁諗,要倡導師生共治唔係嗡,而係能力上,實務上證明師生必須共治。之後屬會室分配制,屬會登記證書制(由果陣開始,無院委發出登記證書邊度都唔駛借物資,大學要睇學生會公文做嘢,呢個就係師生共治一環),校巴改革,都係咁嚟。

要全面提升泛民新生代嘅水平,我諗大學學生會,唔係唔要有人理學聯嘅事,但係一定要有人落手落腳處理校政,甚至做埋宿生會。大學有呢啲經驗,出到嚟搞區議會,就地方行政到蛇齋粽到點樣做到社區基層賦權都知點做。例如粽咁樣,點解學民賤聯要派粽食,年青人義工包粽俾長者會唔會更做到個社區聯繫。

可惜係,好多人畢業廿幾年至知自已學壞咗手勢,最驚積習難返。



4 thoughts on “學壞手勢

  1. 都唔明傑哥點解要道歉,老實講,絶對不可睇少蛇齋餅粽,民建聯試下唔派一年,看看結果如何?這實在是相對有幾多資源而論,這等於教協同護協的存在一樣,但係無左就唔得,當日我的聽法是傑哥絕無諉過選民,這是雞蛋挑骨頭。想問問普選聨 死左去邊?

  2. 想隨筆好耐,時間倉悴。
    學壞手勢,唔緊要,依個世界係由失敗者推進。
    最緊要係識得同情失敗者,對失敗者有愛心。點解叫人參加六四晚會,因為對失敗者的一種情意結。依排菲庸爭取居港權,好趁依家學起。

發表迴響

你的電子郵件位址並不會被公開。 必要欄位標記為 *