話嚟就嚟,駛鬼顧你班美孚業主弱小心靈

鄭家純條友以為黃達東當選過咗海就神仙,所以即刻就嚟準備做嘢。如果唔係班居民衝出嚟瞓街,己經有工程車開咗工。

黃達東當然唔見影,佢條友任務己成,點會有影。至於黃毓民,佢係有現身現場,只不過佢條友向狙擊美孚另一位公民黨候選人道歉先,抽水政客。只係顧住自己明年嘅樁腳,唔顧居民利益,佢都夠假仁假義。

有啲業主問小弟,佢地有投公民黨,點解土共有咁多票。除咗有部分真係愚昧到爆嘅師奶,因外傭居港權同蛇宴齋宴,被人呃咗層樓之外,仲有兩樣嘢,你地日後要注意:

1. 租客:你租咗乜樓俾人,根據衛佩璇玩嘢例子,可能你租一兩條友,但選民登記幾十條友,最好大家查吓選民登記冊,睇有無古怪嘢。有古怪嘢,就會踢出嚟,幽靈選民係好得人驚,大馬巫統至愛玩呢家嘢。
2. 老人家同老人院:我唔知美孚南有無更多老人院,但中國基督教播道會同埋博愛醫院,都會老人中心,
老人院清單

以百老匯街39A間中國播道會美孚長者中心最有可疑,係咪有人利用老人院嚟亂投票,特別中國播道會己經係親梁美芬教會咁滯,大家都知鼎鼎大名嘅港福堂係乜。好多老人家,盲字唔識個,或者己經老人癡呆,但喺院舍職員,或民建聯人員指揮下,佢話投乜就投乜,最得人驚。

班地產商為咗中國大崩潰前賣樓花,搵真銀,趕住搵錢唔會顧你班業主弱小心靈,大家記住呢點。



5 thoughts on “話嚟就嚟,駛鬼顧你班美孚業主弱小心靈

  1. 我都唔明點解”業樓”可俾人講到立場一致如何好,在外傭居港權問題上, 我的理解是: 業樓當然很了解公務員如何大隊人點樣做野, 入境一把關就等如上身, 在權責下有排煩, 其實是公務員某種做事的天條, 既然一灘水個個部門都你推我推唔想清理, 更遑論…………

  2. 有D 野真係唔可以UP 得就UP, 長者中心只係一個比長者活動同埋SOCIAL 的地方,並冇”住宿服務”, 即是是老人院, 去這些地方也是一些較精靈的長者,因此,黃先生之前的懷
    疑是否有足夠的事實,再而作出推斷.

  3. 不止今屆,07 年區議會選舉開始,已有傳媒和民主黨人查過黃埔東的選民登記冊,但本見異樣,今屆也不例外。昨日紀曉風提出質疑後,又再覆查,如抓到任何可令大眾相信有人有種票之嫌,本周內必上頭條。

  4. 黃先生,雖然該老人中心的未必知到你的網誌提及他們,但作為一個有水平的評論員,公眾會理解無可能認識所有的事情,有些資料是有所缺失的話,作出澄清是一個負責任的行為,亦是與5毛黨冒目亂屈的分別.

    補充,我同意有人可能會利用院內沒有認知能力長者去投票,只是你提出懷疑的中心理據有點問題,才希望你澄清。

發表迴響

你的電子郵件位址並不會被公開。 必要欄位標記為 *