票債樓償

美孚居民:民建聯一上場,新世界馬上來開工

一班愚昧到爆嘅師奶,呢鋪即刻知道乜叫票債樓償,同埋無論如何,民建聯係絕對唔可以投。

王德全幫人幫到自己做咗第一被告,美孚居民恩將仇報,因外傭居港權假議題投咗民建聯條黃達東,呢班友唔知民建聯同新世界根本著同一條褲。呢班友更唔知係,王德全依家做緊香港數碼廣播,即係大班個電台,佢有傳媒武器,人脈武器查實大家亦知可以點做,內外夾擊係可以拆掂件事。依家投咗民建聯,泛民班友唔會幫你,其他人唔駛講,真係自己食自己喇。

呢件事亦係對中產嘅警號,下鋪再投民建聯、工聯會、新民黨、自由黨呢堆笨賊,你自作自受。今次有啲選區嘅居民醒咗,好似嘉道理被泛民攻入,你估無原因架。嘉道理居民,比你美孚居民醒水十倍。

依家美孚居民自救唯一方法,將民建聯玩選舉舞弊嘅證據交出嚟,歡迎幫過民建聯嘅內鬼,然後出選舉呈請儘快踢走黃達東。否則,你地呢鋪好難打。

所以我話,泛民守得住嘅地區,樓價可以睇高一線,至於美孚、樂活、杏花邨、東華居民,祝你地好運。我打算搬去衛城區,半山東班投緊張翼雄嘅友仔,呢四年繼續嘆膠嘢,樓價會說話。嘉道理、康山、康怡、奧運嘅樓價,可以睇高啲。

後話:美孚一期居民咪以為唔關你事,你地嘅樓未來十年到咗五十年強拍期限,睇定你地自己仲揸幾多業權喺手先。




20 thoughts on “票債樓償

  1. 高鐵沿線大角咀北, 大角咀南同富榮都俾民建聯贏O左; 鼠王芬手下黃頌亦贏O左櫻桃議席!
    今次真係自求多福!

  2. 我東華區的…..點票果下知道民主黨輸左…..個心真係好難受….
    民賤聯班友同班唔識講廣東話既阿婆係度即時串串貢….
    民賤聯條八條仲即刻去接受港台訪問…~

    我成日係票站……今年的確多左好多老人家出黎…..仲要連群結隊咁~~~

  3. dbdb:
    建制派有龐大資源,也有政府撐腰,泛民玩踩界招好易比人查到,搏唔過.

    martin:
    原本我相信,公民黨有專業形象,又有堅定信念,
    終有一天中共覆亡,香港自治(獨立)之時,
    公民黨大有在成熟民主制度中,成為執政黨的條件.

    現在卻發現,公民黨自創黨以來,
    政治手腕未到家,只顧硬銷信念和原則,結果由五區公投到外傭官司,都完全捱打;
    地區工作未做足,”明星議員”無端端搞”空降”,之前”突襲”成功的又不好好經營.
    如果不是靠當初招攬到那些在地區耕耘十幾年的”樁腳”,
    今次區選恐怕真的會全軍覆沒,比社民連和人民力量更快”泡沫化”.

    明年立法會選舉,又回到理念之爭.
    除了陳雲所言,將外傭案跟內地孕婦綑綁,推動修改24條之外,
    還有甚麼辦法讓公民黨起死回生?

  4. 其實我真係好唔明香港人嘅思維,一單外傭官司,值得要將政治前途交俾明知出賣香港人多年嘅民賤聯﹑工聯會及葉劉嗎?要用選票黎表達不滿,究竟係乜野政治邏輯?

    仲有就係,我唔明選委會,點解有片show有人賄選都可以姑息佢地;唔明點解廉記咁多年都唔做野,乜廉記唔係獨立執法部門咩?

    另外人民力量呢班糞青,乜佢地覺得狙擊泛民好過癮嗎?今次應該好開心啦,可以捨票成仁,將泛民一舖搞垮,同民建聯真係飲得杯落啦。

  5. 呢單野一定要炒起佢,最好上頭條。

    香港人雖然對政治冷感,不過一影響身家同樓價就會出聲。

  6. [鄭子誠mode] 誠意地向小p送上 謝安琪一首近期大熱嘅作品 – 你們的幸福


    人間多少瘡疤見報 若太深奧懶得知道

    你失去耐性失落 飲飽吃醉是容易極的快樂

    愛思索便會福薄 砂吹進眼內從來未覺便不必發覺

  7. 「美孚一期居民咪以為唔關你事,你地嘅樓未來十年到咗五十年強拍期限,睇定你地自己仲揸幾多業權喺手先。」

    呢樣嘢,初初通過強拍嗰陣都響第個 forum 同人提過 – 大如美孚,地產商一啖未必食得晒 (in a bulk 以千億計),但有停車場同商舖業權份數墊底,再將項目分期數逐個撃破,未必無得玩。再細啲、座數戶數少啲嘅屋苑,更加危險,自己睇路。

    又:
    (1) 我同兩個妹,聽見美孚即時瀨嘢,真係「嗤」一聲飯都噴埋出嚟…現眼報都無咁快,果然係票債樓償!

    (2) 王德全畀人黑函砌低單嘢,我隔籬邨原任嘅竹筍區議員都揩咗嘢。話說嗰條邨同我條邨有條一分為二嘅綠巴線,幾個月前話某議員阻撓加唔到價,於是發爛渣摺埋。隨即有匿名者貼街招,話「八婆 xxx 害街坊無小巴搭」,x 議員貼返反駁街招,但都無用…結果畀人抹黑成功,早兩日輸咗。

  8. 我住過新界東, 搬了出去後有街坊CALL打波, 返到去見到商場有個當眼位有個民建聯的人的大頭相, 呆一呆, 心諗: 好彩!

發表迴響

你的電子郵件位址並不會被公開。 必要欄位標記為 *