浙江織里大亂:激流中國威脅下嘅香港要思考如何自處

見到織里嘅情況,我覺得香港人要認真思考一吓,出紅海嘅問題。

呢種大亂,只會越嚟越多,越嚟越激,因為地方政府無水問題,中央政府解決唔到。否則中共唔會冒地方政府可以搞軍閥割據之險,都要俾浙江、廣東、深圳、上海發債。呢四個地方有實力貪官最多,有必要果陣,中共默許地方武裝一啲都唔出奇,班友個個要保命,話之你hihi。

呢鋪玩到咁膠,因為唔知邊條地方官中嘅奇人,竟然加一倍衣車稅,啲車衣工人分分鐘被人走緊數,你仲加一倍稅,咁實同你死過喇。大家睇到溫州嘅情況,應該估到分分鐘成個浙江、上海一帶都係呢啲計時炸彈,要爆就爆,如果搞到各地聯動更加亂上亂,呢鋪有安徽佬私運槍枝過去織里,你諗吓。加上西藏近日已經發展到有藏人頂唔住,炸地方政府大樓,即係中共喺西面唔可能減兵力,東西包抄之勢己成,湖北、湖南如果都爆膠事,我都唔知有乜事發生。

香港人如果想走,請依家即度走人計劃,唔想走嘅,就諗一旦中共爆煲,可以點自保,大批中國難民南逃,或者爆發中國內戰,你估講玩。

香港本身己經係激流之勢,依家中國嘅大勢,真係唔慌唔激流中國。

後話:NHK 2007嘅紀錄片,用激流中國命名,以中文而論都準到極,當仲喺上游好多人都唔知死字點寫,依家睇嚟就嚟去到瀑布,日本仔一早睇到有幾大劑。如果依家你仲未知中國嘅大鑊來源,可以先睇NHK嘅激流中國系列,了解「中國政治激流水文圖」。



11 thoughts on “浙江織里大亂:激流中國威脅下嘅香港要思考如何自處

  1. 你去D日本書店都有成櫃書講中國,呢幾年本本書都貼緊中國幾時死就知,佢地係長年都擺定個花生陣。

  2. 中共俾地方官發債,即係俾軍閥自己印銀紙。

    有無人知香港 d 基金佬會唔會用 MPF ge 錢買地方政府 d 債券?

  3. 若果中共倒台的話, 香港人要捱幾耐先有美/英軍嚟維持跌序
    駐港解放軍絕係隱憂

  4. 駐港解放軍, 統監府, 外交部駐港公處如何處置, 一定要想. 尤其是統監府, 在下恐怕統監府會銷毀文件. 這些文件是清算重要證據. 另一個問題是駐港解放軍. 他們有武器, 人數不少. 中共倒台後, 若駐港解放軍宣佈效忠香港自治政府, 我們應該怎樣對策.

  5. http://www.youtube.com/watch?v=ghPd_NrokFk

    2011年10月26日廣西壯族自治區岑溪三中全體同學在今天11點30在新飯堂起義!場景非常壯觀!不可思議!國旗被撕,垃圾砸校長,警車有進沒出,學校領導連車鑰匙也拿不穩,持槍民警不敢走近飯堂半步,這是中國歷史上空前的反抗物價暴張事件,也這是廣大民眾的關心話題。岑溪物價不高,只比香港貴一毛,工資不多,是香港的十分之一。

  6. 仲有係禮義廉、工賊呢啲中共代理法人組織, 隨時煽風點火
    照佢哋呢期嘅行徑, 重演一場比1967年更烈嘅暴亂係好有可能

  7. 點子
    何解你認為日本擺花生陣??當日本經濟無咗再+311事件+呢期玩攻守海上線
    佢地防務省只係欠個強人去進言
    中共hihi就進可攻退可守 – 知唔知311黎香港班友去咗邊??haha

    另magiccello
    香港已有人準備好
    無需擔心 🙂

  8. Are the HK Police Force, including the Marine Police, and the Government Flying Service sufficiently armed to assume control over the barracks and bases? And to guard HK’s waters and airspace against foreign warships and fighters to ensure HK’s neutrality? Would a UN protective force be needed?

發表迴響

你的電子郵件位址並不會被公開。 必要欄位標記為 *