研究一下鍾港武可能嘅國籍問題

根據一向唔準確嘅中文維基百科資料,鍾港武嘅英文名,除咗向選舉事務處報果個廣東譯音名,仲有一個菲律賓名Edmond Mendoza Chung Acosta,因為佢係祖籍宿霧嘅華裔菲律賓人。

有得菲律賓名,好肯定祖先攞咗菲律賓國籍,而且唔只一代,係科拉桑許寰哥家族果隻。

中國和菲律賓建交公報

中華人民共和國政府和菲律賓共和國政府認為,凡已取得對方國籍的本國公民,都自動失去了原有國籍。

呢條友隨時早過1981年中國國籍法,係同印尼、馬來西亞、泰國等地華裔同一批無咗中國國籍。如果佢無向入境處老實申報佢父母嘅菲律賓身份,我可以咁講,佢真係有呃特區護照之嫌,因為南洋人嘅國籍問題係無迴避空間,我唔知點解條友咁夠膽走去立法會直選。如果有人搵佢嘅菲律賓身份嚟做選舉呈請,都幾係嘢。

如果佢claim因中國血統有中國國籍,咁啲賓妹會多謝你,不單違反《中國和菲律賓建交公報》,而且菲律賓華裔好多同當地人大混血,連菲律賓國父黎剎都係華裔嚟。如果啲菲傭個個claim有華裔血統,中國血統喺香港係一個undefined嘅term,咁真係膠到無朋友。

唔好話呢挺膠事唔會發生,印尼以回教教長身份做總統嘅瓦希德,佢自己話自己係姓陳華裔後代果陣,全國O嘴,跟住無人敢搞排華,因為大家都唔知會唔會排出膠出嚟。土共搞反外傭居港權,隨時害人終害己,兼且玩出膠嚟。人大常委都唔知點釋法,周恩來條友同南洋簽咗咁多國籍協定,釋條毛咩。



4 thoughts on “研究一下鍾港武可能嘅國籍問題

  1. 文萊都不敢貿然排外居留權,因為文萊蘇丹十九世外祖父是黃森屏,一個來自福建黃氏的華人。

  2. How many countries are having such treaty or declaration on nationality with Beijing, apart from the Philippines, Thailand, and Indonesia?

  3. Was Dutch nationality extended to all non Indonesian people (e.g. white, Chinese) upon independence of Indonesia and the subsequent annexation of West Papua? And what about East Timor? Is Portuguese citizenship conferred upon all East Timorese people?

  4. 1. 荷印兩國後嚟簽咗協議,解決因印尼連繫得到Dutch Subject嘅國籍問題,全部歸印尼籍(包括白種人),但印尼930事件期間,荷蘭以前荷蘭公民身份,收容咗部分華人,亦即今日荷蘭華人嘅來源之一。 講荷語,有荷語拼音姓氏(如小弟者),都係印尼嚟,講粵語,有英語拼音姓氏多香港嚟。

    2. 葡萄牙承認全部東帝汶人有葡籍,有好多東帝汶人去歐洲打工。

發表迴響

你的電子郵件位址並不會被公開。 必要欄位標記為 *