香港泥漿摔角大聯盟

由淫照案開始,香港的時事討論已經變成了泥漿摔角賽,每日與朋友茶餘飯後討論時,都會聽到一堆不知怎處理的論述。我嘗試用淺白的語言,將近日一些熱門議題個別人等的是非對錯,淺析一番,這些我之前在電台都講過了。

1. 陳冠希:他的私生活唔關我事,但他這次最大錯誤在於沒有好好保護他前度女朋友,和現任女朋友的私隱。你的手提電話,和手提電腦中的資料,你個人是負有幾乎絕對責任,並不是一句唔小心可以走甩。作為男人,本來不應保住前女友的裸照艷照,你是女人的話,你想不想?

2. 阿嬌:簡單來說,貨不對辦。如果她在英美,邊個得閒理佢同陳冠希點搞,但香港人對藝人不是買image,而是image背後的personality一併買下,Twins是靠純情形象上位,有消費者信她固然是蠢,但她作為「賣方」,被人擲臭雞蛋亦怪不了人,畢竟此事不能找消委會投訴。所以蔡子強對阿嬌的批評,我完全認為合情合理。

3. 周融:周融未有大學畢業去申請廣播處長的位置不是罪過,我要強調這一點,我在1995至2000年也是沒有學位情況下寫評論,至2000年12月我才具備大學學位,問題在於,他平日都沒有為不具備大學學歷的年青一代平權,現時火燒埋身,兼且瓜田李下的情況下才來平權,現時群眾是找他平日的言論作大報復,用高登語言講就是「J數一刀清」。

4 thoughts on “香港泥漿摔角大聯盟

  1. 本來個問題重點就唔係有無學位之上, 係膠府做野無分寸, 默默地破壞良好管治制度, 先至比人插; (先唔講佢係咪有內定);
    只不過又估唔到, 咁都可以挑起周生條癮, 基於自卑心作崇, 衝口出手, 實在太搞笑了; 以周生今時今日既地位, 要搵個榮譽博士都唔難丫? 再唔係, 買返個羅, 又使乜咁高調要為”沒有學位”出頭?

  2. 有關講台嘅討論,似乎多集中於應徵者可不可以冇學位,而較少討論該職位應不應該要有學位。

    政府公務人員嘅升遷,一般由內都進行;「升級位」大都不會向外招聘。一個部門的首長須作公開招聘,十分罕有。旣然罕有,招聘條件自然應該相當嚴緊。最低限度,有關條件應該比從內部晉升的還要高才合理;要高成點?一定係高到現有人員仍未能符合;否則,為甚麽不干手淨腳直接由內部搞掂呢?

    目前講台請一個節目助理都要學位,咁請一個署長駛唔駛學位呢?要係當然;唔要就有乖常理,必須在特殊情況下才可接受。仲有,目前除咗極少數個別嘅部門首長之外,一般部門首長都具有大學學位或同等學歷(試過有d仲有幾個咁多)。講台係一個文化含量較高的專業部門,要求佢嘅首長都有個大學學位,點算過份?就算唔需要學位,都只係基於特殊情況,作酌情處理。以學歷高低作入職的規範,是由漢朝已經有的公僕選取制度,雖不一定能選取能力最高的,但就最公平;否則容易做成「倖進」。

    政府一定要有事情發生,並在當常規解決不了的時候,才會按一定原則,作酌情處理。所以有人批評,話政府點解唔一早就降低條件,聲明唔駛學位,係陷政府於不義。如果政府咁做,批評嘅聲音會更大。

    至於當有人批評政府降低學歷條件,便對號入座,力數自己d威水史,更嘆息自己過去太成功,係自卑嘅表現。看來冇咗個學位傍身,真係好容易露底失儀。難怪今時今日內地許多大官喺百忙之中,都要攞番個學位來怡情養性。

  3. 周融以為自己老屎忽大晒?

    年資不等於資格. 有個亞叔揸巴士三十年, 莫非佢又有資格做運輸局局長嗎? 咁樣點叫做歧視? 不如全港市民不論學歷, 抽籤形式去搵出新局長吧! 否則你歧視小學畢業生!

    今次周生扯低條褲捭人睇晒底牌, 已經睇得出佢係廖化之流…

  4. 周先做左咁多年,就算當年環境點樣唔許可讀唔到大學,咁多年黎點解唔去進修一下,讀個學位?讀書真係唔係求分數,過程才重要。一個連終身學習概念都無既人,仲敢大聲疾呼話人歧視他無學位,香港真係乜事都可以發生,低處未見低。

發表迴響

你的電子郵件位址並不會被公開。 必要欄位標記為 *