南洋人嘅膠力是怎樣形成的

南洋人一向都對硬膠好接受,你見新加坡成街都賣緊明寸新加坡政府嘅Singapore is a fine city T恤,以至楊雅鎂居然用自己嘅膠嚟sell人民協會活動,就知大家幾咁熱愛膠。

而南洋人嘅膠力,同日常生活語言有關,我故意放Mr. Brown Show無字幕版嘅SIMI,就明白南洋人語言同生活中,點解接受到膠:

1. 語言大拼湊呢挺壞習慣,相信喺可見將來都消滅唔到。新加坡、馬來西亞甚至印尼,啲人都有本事喺一句說話裡面,同時存在幾種語言嘅詞語,呢種語言習慣本來就充滿膠味。如果話香港人中英夾雜頂唔住,我平日可以聽到同時有粵、英、華、印四國語言同時存在嘅句子,果啲乜嘢嚟?fly me aeroplane果啲,高登係當膠嘢嚟講嘅直譯英文,南洋人係夠膽係咁嗡出嚟。

2. 有啲老一代華人嘅生活習慣,係留存喺現代社會就會好膠,例如SIMI對女機主嘅感情事務諸事八卦,呢個係好多南洋上一代華人嘅作風嚟。所以啲人認為李光耀搞出個社交發展署出嚟,就代表佢獨裁,錯喇,呢個係老華僑style嚟,唔關李光耀一條友事,南洋有啲好西化嘅人,但有啲真係化石級嘅華人習慣,亦都同時存在。

所以依家互聯網世代真好,如果我日後有機會教東南亞政治,會慳好多功夫。南洋嘅膠力,在於佢同時喺n種文化嘅夾縫之間,華、歐(包括英、法、荷)、印、回教、馬來咁多種文化同時存在,就會係咁。




One thought on “南洋人嘅膠力是怎樣形成的

  1. 無可否認,新加坡社交發展署/社交發展網絡(SDU/SDN)
    可以說是將東亞地區”相親文化”發揮到極致.

    但是,無論從”相親文化”本身的威權意識,
    (東亞地區”相親文化”裡,相親差不多都是由
    家中長輩等”權威個體”安排,多少都帶點強制性)

    到SDU/SDN 製造社會偏見,針對單身人士的運作和宣傳手法,
    (“教育大眾單身問題的重要性”,公帑補貼”社交活動”,
    要求企業容許員工放有薪假期參與SDU/SDN 活動)

    以至SDU/SDN 背後蘊含優生學元素的理念
    (大學畢業生跟非大學畢業生分開配對,李光耀83年國慶日
    (SDU 成立前)有關大學畢業生結婚率與人口質素的演講)

    都反映出(由以李光耀為首的人民行動黨控制的)新加坡政府,
    有意籍干預公民的私人感情生活,來達到改善人口質素的政策目標.
    與民主社會提倡自由戀愛,反對及打擊強逼婚姻的趨勢背道而馳.

    指”社交發展署”代表李光耀獨裁可能有點誇張,
    但”社交發展署”確實反映出李光耀要全面控制
    人民生活細節的”家長式統治”思維.

發表迴響

你的電子郵件位址並不會被公開。 必要欄位標記為 *