支持保育大浪西灣需要狙擊禮義廉

大浪西灣一地或納入郊野公園
(2011年10月12日)
漁護署向郊野公園及海岸公園委員會遞交文件,建議將大浪西灣郊野公園旁一幅16公頃土地,納入西貢東郊野公園範圍,部分委員認為,這幅地內生物品種及稀有性不高,保育價值亦不顯著,但上址整體景觀及美觀價值高。但立法會議員黃容根擔心會剝削原居民使用土地的權益,指不應保育大過天。有關土地在去年6月的挖掘工程,引起公眾關注,城規會提出將土地列入郊野公園,受到原居民反對。

大浪西灣部分土地納入郊野公園呢招,正係去年我向城規會提出。

而禮義廉講乜嘢保育海港,乜乜物物都無用,如果禮義廉有心搞保育,唔該叫黃容根向香港人道歉,塊地係全體香港人,唔係你班貪錢嘅新界原居民,保育就係最大,因為呢個係子孫權益所在。

如果禮義廉唔對黃容根言論有所回應,支持保育大浪西灣應該狙擊禮義廉呢班保育公敵。

同樣,係尖碼保育問題上,小弟立場都係咁嘅尺度,鍾港武、李慧琼、孔昭華、關秀玲呢四件禮義廉嘅hihi,同埋人民力量班走數人士,全部要喺呢次區議會選舉同佢地埋單。尖碼之聲嘅Jacky Lim,會同大家補充邊啲禮義廉友仔要同佢地啲反保育立場找數,但由大浪西灣到尖碼,都可以睇到,禮義廉只會令香港變成地產霸權嘅地獄,佢地所謂「成功爭取」全部都係贏粒糖輸間廠嘅嘢嚟,萬勿上當。



6 thoughts on “支持保育大浪西灣需要狙擊禮義廉

  1. Refer to your “PPRB極醜惡示範”
    將這通知作為要通知嘅準則,以後佢地無藉口通知傳媒及公眾!要多謝佢地!要back up 存檔!日後定必有用。

  2. 禮義廉對尖碼嘅走數簡直磬竹難書
    如果摷返會議記錄, 鍾港武、孔昭華、關秀玲、葉傲冬、陳少棠呢五條友撐政府要拆嘅程度簡直去到頂級。只要個agenda 係涉及到尖碼, 直接嘅當然就反架啦, 間接嘅好似將尖東(麼地道)改做旅遊巴停車場, 改善尖碼巴士路線服務, 一樣反到底
    5號線响2008年搬離尖碼之後, 九龍城任國楝, 莫家嫻, 潘志文係咁追殺運輸署同九巴, 李慧琼就唔點出聲, 迤咗就算。
    黃大仙嘅莫健榮就無恥到極點, 有圖有真相:
    https://www.facebook.com/photo.php?fbid=10150245319702911&set=a.485173412910.275141.543572910&type=3&theater
    無錯, 佢有响區議會提出要求5號線重返碼頭, 但對於爭取保留尖碼一句聲都無出過
    升東擊西???!!!!
    一個咁嘅政團對保育、市民權益無恥到咁, 仲有乜好講?!

  3. 至於大浪西嘅問題, 由魯連成開始引發嘅政團利益瓜葛, 或者都係有跡可尋
    而西貢區議會幾個民建聯嘅圍頭佬, 對呢區生態、環境, 甚至交通、民生嘅破壞絕對要關注

  4. 點解會扯上人民力量呢?班人如何走數?尖碼事件好像還未有人民力量的出現,而且一個區議員都無?好奇怪的論述!

  5. 人民力量嘅出現於社民連分裂, martin 所指當然係過咗檔嘅一批人
    事發於分裂之前, 曾經一齊响尖碼搞過活動
    但出現咗幾乎俾差佬拉嘅場面, 雖然响法律角度去睇唔能夠話100% 直接同那批人有關
    但事後半句道歉、慰問都無無
    又2010.7.1 遊行, 應承咗幫手街站, 結果放飛機, 仲要賴低幾個細佬响度, even 幾個小朋友好幫得手, 但細路仔點都要大人照顧

發表迴響

你的電子郵件位址並不會被公開。 必要欄位標記為 *