呢鋪謝安琪真係中晒伏

謝安琪嘅相,出現喺希師奶黨黃卓健嘅選舉宣傳單張,由於希師奶真係好乞人憎,令謝安琪被鬧爆,周博賢都要急急出聲明救火。

我唔識謝安琪,但識黃卓健呢件hihi,MaD 2010我係其中一員,而我喺MaD 2010識黃卓健。講真,黃卓健係故意繞過周博賢爭取支持,擺明睇中謝安琪同夏森美政治判斷力唔夠至落手。因為直接問周博賢嘅話,周博賢一定係會turn down佢,講多都費時。

黃卓健唔係一個你話識政治就可以搞掂嘅友仔,因為呢條友喺2010年見過佢幾次,見人講人話,見鬼見鬼話,喺支持民主嘅人,就會扮到自己立場好係同情民主果隻,佢喺建制派面前乜立場,不得而知。所以佢最後一刻至話入紙參選頌柏,我係唔信,相反,原本話要選頌柏條友係煙幕彈嚟,佢係堅係想參選嘅政壇古惑仔。

當然依家啲年青人,太急於上位,所以議員都未做,己經露出狐狸尾巴。佢報名參選果日,我即刻unfriend facebook,並列入追殺名單,因為佢真係隱暪自己政治立場嘅功夫做得好好。

謝安琪同夏森美最好快啲撤回支持,並且向選管會投訴。黃卓健回應傳媒個聲明,根本唔係理由嚟,一貫希師奶特色,砌辭狡辯,黑都講到白。

所以,對啲太急於上位「年青人」,要多幾分戒心,呢個刀光劍影年代,做嘢不擇手段嘅hihi實在太多。



8 thoughts on “呢鋪謝安琪真係中晒伏

  1. 其實一個成年人,點解要搵個經理人判斷呢?自己唔知既咩?自己無立場?
    雖則佢既歌的確係喚醒左不少港人,但自己都要喚醒下自己,今次真係幫唔落。

  2. 我喜歡謝和周,但接受不到他在FB的解釋。我看到到可以支持個人,但不支持個黨。

  3. 見你摷番舊料子時, 我又講,

    頂, 我在MaD 2010 時已經有同這人打交道, 原本覺得佢係一個幾開明的人, 俾佢FAKE左真係搖頭嘆息.

    試問佢點睇外傭呢下 XD

  4. Longhair: 公平小小,好多人,包括演藝界嘅人對政治係不聞不問,甚至白痴
    更重要係黃卓健擺明車馬想借藝人名伓催谷選情而不擇手段, 呢個講法不中亦不遠矣!

  5. Jacky Lim
    同意你的說話,所以如果嘗試認為這些藝人真的是俱有政治理念,認真就輸了。只是包裝上的技巧而已。

發表迴響

你的電子郵件位址並不會被公開。 必要欄位標記為 *