人民力量只能當佢地係土共嚟睇

小弟喺繼續寫追殺同推薦名單前,小弟要講明立場,由今日開始,人民力量會當成土共處理,因為佢地作出幾個作為,完全超出我嘅底線。

1. 人民力量派人追殺區諾軒同羅建熙,但區諾軒同羅建熙有份協助五區公投,人民力量請問有乜理由追殺佢地兩個,恩將仇報呀?

2. 喺尖沙咀東,當公民黨搵咗個印度裔候選人,同民建聯關秀玲正面交鋒果陣,你人民力量派人入嚟?有無搞錯呀?呢次公民黨好早報名,公民黨仲要一齊搞五區公投。

3. 人民力量部分「支持者」甚至要員,言論過火,其中一件叫Henry Ngan,言論已經直頭係五毛級,要起底。呢班友,係搞民主,定搞破壞。

小弟寫得呢篇,出街預咗會好小心,呢班友有啲地方,過份程度同土共絕對有得揮。



25 thoughts on “人民力量只能當佢地係土共嚟睇

  1. 民X聯公X會等保皇黨我一定唔會投佢地
    但對於民主黨投共以及支持政改我又好反感,咁我應該投邊個好呢…..唉

  2. 掉轉諗,選邊個會對香港(或者最低度)的壞影響最細,就投俾嗰個
    係less evil 架啦,無法子,唔通真係係土共坐大,仲無好處

  3. 呢個係小弟同世澤兄最大唔同既地方.
    人民力量有D人既言論好過份好白痴我承認, 問題係大方向上我睇唔到佢做錯左D咩. 佢地狙擊民主黨我個人上好支持, 而狙擊最最最重要既原因係佢地過左選民一棟, 係政改上面投讚成票, 民主黨班高層到今日都俾唔到個好既解釋我, 點解佢地要通過一個比05年更不堪既行政長官產生辦法.
    撞區問題其實唔止一個, 美孚中都同公民黨撞左. 我都想知佢地點解釋點解唔搵公民黨傾下.
    最後就係人民力量有D支持者既言論的確爭唔落, 我都睇唔過眼.

  4. 在下對毓民好失望. 霸地盆不是這樣做的. 再者, 霸不霸到都好成疑問. 平時不見你為街坊服務, 只是選舉4-6星期來拉票, 選民不是傻的. 你話要票債票償, 在下尊重. 連在地區有政績, 有好野的, 你都打, 若你認為全個民主黨都是衰人, 早d講清楚. 蔡素玉, 陳財喜你又不派人去打?

  5. 基本上而家係冇一個政黨係似個黨樣,民X聯或工X會,你點同佢對打都係穩如泰山;泛民…..自從民主黨投共後,基本上唔須要再對香港有希望。

  6. If People Power had stuck to their original purpose of “punishing” the Democratic Party for their “betrayal”, then fair enough and good luck to them.

    But WTF are they doing fighting against the Civic Party? They were supposed to be your friggin allies, for god’s sake! They even opposed the Democratic compromise like you guys.

    By making such a move, they have revealed their true colours as pawns of Beijing, whether willingly or unwillingly (aka easy to manipulate 真心膠).

  7. 問題係….民主黨投共之後我應唔應該仲當佢係民主派先?
    定一話當係建制派既一部份?
    佢以反對五區公投以換取同中央密室談判,點都冇得原諒。
    另外支持政改,唔再堅持2012普選 (同民X聯轉軚有乜分別?),都係死罪。
    第三,就算你唔係行激進路線,點解都要阻止人地議會內抗爭,而同保皇黨同一陣線,齊齊抽佢地水,支持立法會修緊議事規則?

    我反而越來越覺得係民主黨慢慢變成土共,多過社民連或者人民力量囉!

    可能唯有選公民黨算了….

  8. Jacky Lim:
    你話選對香港最小壞影響既,我同意
    但係好肯定選民主黨班友係冇用
    佢地咁多年都係食老本
    作為所謂民主龍頭大佬,又要搶佔民主道德高地,
    但係搞左咁多年香港民主都冇進步過!
    點選得落?

    不過佢地七一佢地啲領導層都唔敢行最前線
    因為人人都喊打

  9. 民主黨反對五區公投, 同中央密室談判, 得到一個爛結果, 在下也不滿的. 民主黨是蠢及短視. 所以人民力量打民主黨高層, 想參與超級區議會的大佬及藉民主黨之名在地區尸位素餐的人, 要票債票償, 在下沒有異議. 不過, 連民主黨在地區有政績, 支持民主自由, 曾幫手支持五區公投的基層區議員都打, 在下就實在難以接受. 不禁問一問, 人民力量在搞什麼. 做得好但落選, 反被土共的人當選, 究竟這樣做對全局有何好處? 土共, 新民黨是主要敵人. 若你認為全個民主黨都是衰人, 早d講清楚.

    人民力量要霸地盆, 也不是這樣做的. 再者, 霸不霸到都好成疑問. 平時不見你為街坊服務, 只是選舉4-6星期來拉票, 選民不是傻的.

  10. Patrick Lanson and to all:
    到咗呢個時候只係關注意識形態問題, 咁就中晒中共+港共+拳頭教嘅伏
    其實一個好簡單嘅道理:
    如果堅持住呢個意識形態去思考今次區選要投俾白鴿/民協, 定投俾拳頭教, 甚至投俾禮義廉/工賊, 好容易就會決定唔投俾白鴿/民協
    我唔係認同民主黨 / 民協舊年嘅做法, 6.21當晚我都响教協門口
    但作為一個文明公民社會之下嘅一個文明公民, 好應該識得去思考一點:
    就係如果俾禮義廉、工賊或其他土共組織操控晒18個區議會, 會對香港嚟緊四年有乜嘢嚴重後果, 呢個係710萬人孭唔起嘅惡果
    拳頭教對於呢條問題, 由吹風離開社民連開始, 已經完全迴避呢條論點or問題

    拳頭教之所以不斷強調白鴿/民協嘅响舊年嘅所作所為, 就係要進行有如共產黨嘅洗腦, 等大家一時間唔記得咗禮義廉、工賊或其他土共組織會對香港嘅沉重影響

  11. 如果你話人民力量、社民連暴力,咁外國嗰啲仲暴力。
    如果唔想保皇黨坐大,唯有照選民主黨,不過我內心真係好唔X gur!!!

    咁我想問,人民力量班人係想點樣?
    因為佢地似乎比任何人都反共、反政府,為基層 (吹水階段)
    你話佢地本質上係土共我一定唔信

  12. 如果你話人民力量、社民連暴力,咁外國嗰啲仲暴力。
    如果唔想保皇黨坐大,唯有照選民主黨,不過我內心真係好唔X gur!!!

    咁我想問,人民力量班人係想點樣?
    因為佢地似乎比任何人都反共、反政府,為基層 (吹水階段)
    你話佢地本質上係土共又好似唔似喎….

  13. ayaka: 劉江華最後時刻才出戰田心, 是預先安排(以免被長毛追撃), 還是原本的潘生出了問題要退選, 要主席臨時落場參戰呢??

    另顯嘉的林松茵, 唔該要4x, 另位小姐攪到顯徑很多風風雨雨, 無左佢, 條邨會和平很多

  14. Jacky Lim:

    >>如果俾禮義廉、工賊或其他土共組織操控晒18個區議會, 會對香港嚟緊四年有乜嘢嚴重後果, 呢個係710萬人孭唔起嘅惡果

    理論上,如果泛民能夠大清洗,假如能將白鴿黨現有議席都全數交由人民力量補上
    可能得到意想不到既效果,政府同保皇黨會好頭痛,議會內外會有好多抗爭,
    可能香港民主路上仲有多啲希望…..(靠白鴿黨咁多年都係一個吉)
    我諗呢個係佢地想見倒既效果,當然實際上冇可能發生。

    對住呢個垃圾政府同班保皇黨,要溫和、講道理係200%冇用,咁多年如是……

  15. Patrick Lanson:
    「如果泛民能夠大清洗,假如能將白鴿黨現有議席都全數交由人民力量補上, 可能得到意想不到既效果」
    都係嗰句:你夠膽就搏, 你孭得起710萬人福祉就搏
    李光耀當年同馬共合作, 佢都係以200萬新加坡人福祉為first priority 先至膽粗粗去馬?
    依家你憑甚麼認為禮義廉唔會為禍香港呀? 憑甚麼認為人民力量教可以補上呀? 你又憑甚麼認為可以洗到牌呀?

  16. Patrick Lanson says:
    September 28, 2011 at 2:14 pm




    可能唯有選公民黨算了….

    咁E17 (尖東) 同 E11 (大角咀北) 點解釋呀
    唔好一句撻落嚟 “選民選擇, 選民負責” 呀, 呢句嘢切J醫生講到爛晒啦

  17. p20hin:
    背景: 三姓家奴 03 禪讓田心比潘國山後出選錦濤衰左… 07年自動當選
    而其對手孫燦培也是昨日才報名的
    我有理由懷疑潘國山比翻個位比三姓家奴自動做番區議員然後選區議會(二)
    點知 XDDD

    孫燦培是新時代獅子會果個, 所以都係隱形土共, 但由於三姓家奴要追斬足一億九千萬條街…

    還有, 田心區未來會食左名城

  18. 名城喺下城門區唔係喺田心區

    同埋田心潘國山呢個位早年係蔡根培做,劉江華係喺秦石邨做,不過03年佢果區取消左局改去錦濤選,結果輸左畀何淑萍

  19. 三姓家奴應該是田心(翠嘉?)發跡… 後來才改去秦石(秦豐)吧
    肯定的是三姓家奴在田心做過, 所以紅梅谷一帶奸人力量勢力才那麼大

  20. 劉江華應係只係田心村的人, 是不是原居民我不知道, 只肯定佢係田心長大

    佢係當年蔡根陪帶佢出身, 1985年和黃匡忠一同出選區議會沙田曾大屋選區成功, 開始其政治生涯

  21. 據我睇大公,文匯得知劉江華咁突然選區議會原因係潘國山正係花時間攻讀博士學位,佢想全力攻讀,但係早期搵唔到人接佢手,咪交表選,但係最後劉江華肯頂替佢果位,咪退位讓路畀佢

    如果唔係有位前自由黨人兄肯選,劉江華會自動當選

發表迴響

你的電子郵件位址並不會被公開。 必要欄位標記為 *