亞視變咗羅城門

繆美詩:說良心

羅城門就係我地大家講嘅羅生門,只不過《羅生門》呢套片太出名,大家唔記得咗佢個正式嘅名,係好中國化嘅羅城門。羅城門遺址,喺京都市中心南面。

言歸正傳,小弟好遲至討論亞視江澤民死訊風雲,特別梁家榮再三翻供,供詞翻來覆去,如果喺刑事審訊,一早被當成不可信證人,法官會ignore晒佢啲供詞,睬佢都傻。

當然呢單唔係刑事案,但由梁家榮一再翻供去睇,王征干預新聞部,甚至梁家榮懷疑王征背後有老闆嚟睇,江澤民之死係北京內部有人指使幾乎係成件事裡面唯一可以肯定嘅fact。但梁生翻完供又翻供,咁佢本人,又有無受他人影響作供?呢個,正係關鍵問題。

仲有,譚衛兒,一直都未有好仔細向公眾交代事件,咁究竟,她背後又係乜力量?呢堆問題,除非中聯辦呢薑敢落注,吹雞call土共支持引用特權法調查,否則亞視真係變咗羅城門。但講真,土共又點會敢落注呢?

成件事仲有一樣肯定嘅係,亞視新聞部一眾員工,被班高層當過河卒咁用,俾著我,真係早走早著。上面班友玩政治,己經玩到出神入化,真假善惡皆難辨。




One thought on “亞視變咗羅城門

  1. 又唔可以話完全冇的…. 23號佢投書日月報篇嘢出咗街…
    http://hk.news.yahoo.com/譚衛兒-咬牙切齒-與-輕鬆帶過-還梁家榮-個公道-211458324.html
    不過感受為主, 事實不多; “有償新聞”為主, “催逼發放”次之.
    講到尾, 到而家, 我兩邊都唔多信, 只係戥佢哋班下屬慘…

    btw, aTV搵番唐德全入去做副總裁…
    http://hk.news.yahoo.com/前員工唐德全再任副總裁-214436628.html

發表迴響

你的電子郵件位址並不會被公開。 必要欄位標記為 *