懇賜提名追殺hihi

由於今天同時來往大阪同京都,話雖兩個城市好近(搭阪急特急班次,半個鐘內一定由京都烏丸四条返到大阪梅田),但都好係嘢吓(加上我不自量力,仲要中間空檔時間走去睇兩個市中心古跡,點知都頗要體力),所以呢兩日blog update會慢啲。

喺講呢三日嘅追殺同推薦名單前,小弟需要大學選區同埋觀龍選區嘅朋友幫吓小弟。

小弟極想泛民搵人喺大學選區追殺暗幫曾偉雄嘅陳捷貴,同埋一向無恥無極限嘅觀龍選區議員葉國謙。依家有人願意殺入大學選區,長毛打算殺入觀龍。如果有人係大學選區,想俾提名,請聯絡小弟。而喺觀龍選區,想提名長毛,請直接聯絡長毛。

仲有更多選區需要人去追殺啲hihi,如果其他選區要大家幫手,小弟會喺呢度公布。



7 thoughts on “懇賜提名追殺hihi

  1. 希望有泛民參選西貢Q07 維都區,現任「疑似獨立」區議員,成日公器私用,用屋苑通訊刊物鬧政黨,又同D委任區議會過從甚密.

    呢區到今日都無人報名,睇佢似乎坐定粒六想自動當選.

    呢區只cover 維景灣畔同都會駅兩個屋苑,現任係維景立案法團主席,難免忽略都會駅,如果有人將focus 放係都會駅出選,未嘗無勝望....

  2. 維都區最大問題都會駅座數少過維景灣畔,上屆民主黨條友就係輸在同你講果條友交惡

    查實呢個區之前湯家驊係其中一個探討出選區議會的可能性,呢區個立法會得票高,我覺得呢區同麗港城相似,都係立會民主派得票高,區選就傾建制派

    而家泛民已經搵緊人落呢個區打

發表迴響

你的電子郵件位址並不會被公開。 必要欄位標記為 *