不知所云嘅左翼廿一

左翼廿一嘅膠文:司機之歧視 納粹之將臨

小弟本來對左翼廿一呢班友好有保留,因為本來左翼理論就好多邏輯問題,讀壞咗腦好易走火入魔。但走咗火,未入魔,我都唔會點出手。

但呢篇文章,我覺得完全走火入魔。

1. 質疑外國人搶飯碗,呢個絕對係左翼主張,而且亦係言論自由範圍。

星島日報:工會反對業界輸入外勞

職工盟副主席張麗霞亦指,林鄭月娥昨為日後不排除討論輸入外勞問題放風,「一方面政府說要推基建,為本地工人着想,一方面又擔心未必有足夠新人入行,自相矛盾,政府擺明出口術。」她批評,政府應編配好人手安排,職工盟堅決反對輸入外勞考慮。

我想問,職工盟呢個係左定右呀?如果佢地連的士佬都扣納粹帽子,咁職工盟係唔係納粹工會呀?

2. 一個真正嘅左派,一定企喺無產階級立場,咁呢件事上,無產階級果位司機可能態度唔好,語氣唔好,但語氣唔好,態度唔好可以教育,可以對話。但係張敬軒呢位賺咗大錢嘅紅歌星,搭的士唔俾錢,無論乜嘢理由就肯定係犯法,我呼籲有關的士司機挺身而出,我地會幫你報警追番的士錢。

3. 真正嘅左翼,係唔會幫果啲當權者,以及當權者嘅走狗,但張敬軒又係乜人咁,佢唔單係廣州人,而且條友有亂咁批評左翼同道梁國雄嘅紀錄

文匯報:選舉揭幕禮 「長毛」博出位 王菀之現場上一課

乜「左派」興恩將仇報架,定係呢個唔係左翼廿一,而係共產廿一呀?

對呢類亂扣帽子嘅膠人,根本唔駛客氣,一刀了算數。



2 thoughts on “不知所云嘅左翼廿一

發表迴響

你的電子郵件位址並不會被公開。 必要欄位標記為 *