中共政權從來都係出賣海外華人最在行

亞基諾三世訪華,雖然菲律賓人質事件家屬,好想中國政府討回公道,但中國政府無呢個意思,更加唔好講班土共,唔知去晒邊。

呢件事後,我會再忠告香港市民,出外旅遊,攞住本BN(O)都千祈咪揸特膠護照。我地華裔印尼人,親身領教過中共出賣國民嘅好事,當然好清楚中共嘅本質。

1955年,中共為咗拉攏印尼支持中國,喺萬隆會議上簽咗雙重國籍協定,由呢度開始,當地嘅華裔人士無啦啦無咗中國國籍,因為中共要籠絡啲東南亞國家,亦為佢地排華後變成國際人球揭開序幕。

中共從來都係咁,海外華裔只係工具,要錢要利益就認親認戚,無錢無利益就關人乜事。第一次信佢係佢騙術高明,第二信佢就自己係傻仔。

所以,千祈唔好咁傻,海外華裔反共反華係有原因,因為呢個國家有幾hihi,大家心知肚明。唔好貪平貪方便攞特膠護照,有加拿大護照揸番加拿大護照,有bN(O)揸番BN(O),果啲「愛國」嘅人,一係禮義廉,一係蠢過加零一,小弟唔興做呢挺事。



4 thoughts on “中共政權從來都係出賣海外華人最在行

  1. 中共同其他歐洲共產黨最大的出入,就係無騎士道精神。
    無騎士道精神就等如無賴。

  2. 雖然香港有時事評論人同報紙佬都講中共係人質事件出賣香港人,但係唔多見有人好似你咁以會提大家用BNO,所以希望你會出文章提下香港人珍惜同重視自己本BNO。

  3. 1950年代, 中共响南洋大舉宣傳, 呼籲海外華僑歸國建設祖國
    土地改革三反五反大躍進, 就先行趕走呢班人
    到了民革, 就更加先拉呢批華僑出嚟批鬥

    講完

  4. 其實人質事件中有否當時係持有bno人仕呢?若果係有能否找UK幫幫手呢?而且生還者或家屬有否想過不要再揾中共救自己啦…你看看當年UK政府很盡力去營救港人在菲國被屈運毒事件……..最後都可解決………..(生還者或家屬清醒吧)

發表迴響

你的電子郵件位址並不會被公開。 必要欄位標記為 *