買東江水真係正傻仔

新加坡第二海水化淡廠水價資料

小弟呢次返新加坡,除咗觀察大選、處理公務,以及見朋友,增肥呢幾樣嘢外,另一個工作,就係了解新加坡海水化淡嘅運作,因為全世界海水化淡最平,正係新加坡。

而Pub嘅新聞公報,令我覺得香港人被人搵老襯。

根據PUB同新加坡Hyflux公司簽嘅BOT協議,Hyflux喺第二間海水化淡廠,第一年最高以新加坡紙0.45/立方米賣水俾政府,大概0.37美金/立方米左右,但Hyflux以往都用平過呢個價嚟賣水,化淡咗嘅水直接飲得。而東江水協議,香港用緊三十一億港紙買十一億立方米未經處理東江水,如果用晒啲東江水,香港人用緊0.36美金/立方米買啲未經處理嘅水,加埋處理費,貴過新加坡海水化淡,仲要東江水源頭有毒嘅話,隨時處理東江水要嘅技術同成本,同處理屎水一樣,咁不如飲新生水算喇,如果新協議因應人民幣匯價上升加價,香港人仲傻仔。更何況香港人用唔晒果十一億立方米嘅水,但俾就俾足十一億立方米嘅錢。

小弟唔介意搵香港私人企業,同Hyflux合作搞水廠。依家咁買東江水,認真正傻仔。


8 thoughts on “買東江水真係正傻仔

  1. 東江水進入香港之後, 無做1st treatment 就直接注入船灣淡水湖。但沙田濾水廠的設施主要針對本地水塘而已, 有無因應東江水的人為污染問題而增加設施, WSD 咁多年嚟都無作任何交代
    就算因為香港嘅水管系統而做唔到一開即飲,但沙田濾水廠嘅設備能否處理東江水的人為污染物係存疑之下,海水化淡絕對比東江水安全

  2. Not only water supply. Our electricity companies are buying oil and natural gas from across the border for our power plants.

  3. 呢D水資源,中共未倒台都唔駛旨意諗,香港唔比錢買水,大陸都會大送「毒水」餵香港人。就算比你起,一定會係姓「李」既Bid贏Project,到時水費一樣咁貴!

  4. 黃兄我見到個價,我有個諗頭。
    除左運奶粉幫有需要的父母外,不如運埋水,話唔定見人多,俾個優惠價我地呢?
    純粹個人意見,不過省得一蚊得一蚊,外國運來我都濟。

  5. 最近睇返李家翹寫嘅文章『為何香港依賴東江水?』,香港點解係早期經濟開始起飛之時,搞咁多極具世界級嘅供水工程?海水化淡廠、船灣淡水湖、萬宜水庫等,主要原因係同大陸作政治角力,以防大陸孤立香港之時斷其水源。

    今時今日香港要完全依靠大陸東江水,就更彰顯政治嘅態度。甚至曾蔭權想要拆左沙田濾水廠起居屋,就更正中大陸嘅下懷。

  6. 樓上,香港人係唔浪費食水嘅情況下,會用到幾多成?就算雨水供給唔夠派,東江水亦唔需要咁多卦?

發表迴響

你的電子郵件位址並不會被公開。 必要欄位標記為 *