新加坡政治進入巨變時代

好彩南洋唔興高登式賭博,否則今天會多咗好多太監,因為新加坡總統大選爆大冷。陳清木醫生,有可能做總統。

就算陳慶炎博士僥倖贏咗,李顯龍都好難做人,因為代表行動黨反移民政策嘅基層退休國會議員陳清木醫生,竟然同陳慶炎叮噹馬頭,從未喺國會選舉贏過嘅新加坡民主黨前黨員陳如斯,可以拎到四分一選票,如果唔係陳欽亮分薄佢啲票,隨時佢做總統。

由於反對現政府政策嘅票超過一半,李顯龍維持原有政策隨時行動黨繼1961年林清祥成立社陣後第二次大分裂,後果唔係佢賭得起。呢次係新加坡中國移民政策嘅重要公投,而結果好清晰,有六成新加坡人唔要呢班友,移民政策收緊,新加坡人優先政策在所難免。

我之前聞到果陣火藥味,但實際情況比我地想像勁十倍。


5 thoughts on “新加坡政治進入巨變時代

  1. 陳慶炎險勝當選星總統‎ ,

    重點係,
    得票率相差不足2%

    6年一任,

    2017新加坡將有新天, 香港仍只是小圈子特首

    嗚呼

  2. 孤陋寡聞想請教:總統略似花瓶,總理方掌實權的制度,印象中記得法蘭西、以色列等國家採用,並非主流,是不是為制衡權力而成的混合制度?

    新加坡當然大有改革希望,終有一天李光耀會離世,李顯龍也會步下政治舞台,只要不走回頭路,不戀棧子承父業,政黨輪替終避無可避。

  3. 我反而想問,李光耀/行動黨對”政黨輪替”的態度如何?

    究竟他(們)贊不贊成,不同意識形態的政黨之間可以進行輪替?
    (類似於歐美的左右翼政黨輪替)
    還是只允許理念相近的政黨之間進行輪替?
    (即是行動黨A對跟B隊之間輪替)

    前者通常於民主制度發展的過程中自然形成,
    (例如歐美地區有成熟民主制度的國家)
    而要達至後者卻少不免有人為操控的成分出現,
    甚至可以是在黨禁之下一樣可以運行的假民主,假輪替.
    (例如敘利亞等中東國家)

    關鍵的問題是,他(們)願不願意給人民真正選擇政權的自由.

發表迴響

你的電子郵件位址並不會被公開。 必要欄位標記為 *