田北俊呢啲蠢才都係早抖吧

星 光 大 道 被 評 為 失 望 景 點   田 北 俊 表 驚 訝

2011-08-27 HKT 19:07
尖 沙 咀 星 光 大 道 被 美 國 有 線 新 聞 網 絡 評 選 為 世 界 上 12 個 令 人 失 望 景 點 之 一 。
旅 發 局 主 席 田 北 俊 表 示 驚 訝 , 他 指 出 , 旅 發 局 每 年 都 有 進 行 市 場 調 查 , 星 光 大 道 在 09 年 及 10 年 , 都 是 旅 客 十 大 曾 遊 覽 的 景 點 之 首 。 去 年 只 收 到 1 宗 旅 客 對 星 光 大 道 的 投 訴 。 旅 發 局 表 示 , 會 參 考 CNN 的 建 議 , 向 星 光 大 道 管 理 公 司 反 映 , 稍 後 再 探 討 改 善 空 間 。

星光大道係令人失望景點係正常,田北俊唔知自己點膠,係佢膠。

正確嚟講,港府應該買番李小龍故居,起李小龍觀。就算學荷里活搞星光大道,都唔係尖沙咀搞,同埋去過LA荷里活中國戲院外星個星光大道,都知人地唔會擺成堆紀念品攤檔,而且一定有相應嘅電影文化解說等協助,但依家香港去晒邊?

田北俊條友唔識旅遊,好心叫佢早抖。香港由班蠢才嚟主管旅遊,本來係景點嘅就整死晒,同新加坡比,除咗香港酒店價錢仲係叫合理,喺會展上仲有優勢,其他都死清光。


7 thoughts on “田北俊呢啲蠢才都係早抖吧

  1. 唔同意!成個旅發局唔係得田少一個,班手下係做得野既。
    未來啟德將會有旅遊消閒中心、加上西九,香港唔會輸比新加坡!
    更何況,訪港旅客節節上升,旅遊業進入全盛時期,且有天時地利人和,一點也沒有輸清光。
    希望香港人不要妄自菲薄。
    更何況CNNGO的調查只是他們編輯的個人看法,看看留言就知道評選結果備受質擬。
    CNNGO Report: http://www.cnngo.com/explorations/life/15-worlds-worst-tourist-traps-077541
    (而且美國遊客佔總遊客很少百份比,加上旅遊業佔香港GDP 2%+ 而已)
    當然,我同意星光大道有很大改善空間,所以我已經向旅發局提了多項改善建議,接下來,看管理公司造化。
    感謝。

  2. Miluodi: 或者你對香港負責旅遊的政府部門和法定機構情況有所不知。無錯, 負責宣傳的旅發局同負責規劃的旅遊事務署入面都有認識旅遊業的人負責工作, 但實際上都只係跟據上頭指示做嘢而已。
    當兩個機構上頭仍然腦閉塞, 依舊用似懂非懂的思維去睇呢個行業, 下面嘅人就無可能做到應該做嘅事。
    再講深入少少, 當前的旅遊部門仍死抱 “shopping paradise” 的思維。但shopping 一定要嚟香港嗎? 仲有就係只會望住大陸同胞呢個市場, 可是 “中國特色的旅遊行業”, 就是零團費焗買嘢劏客 + 觀光就是走馬看花拍照留念到此一遊。
    响呢個局面、呢啲思維之下, 呢單嘢絕對係正常過正常, 再血淋淋啲去講, CNN 已經好輕手。
    因為星光大道仲有大把膠, 其中一個就係無預留地方做旅遊車停車場, 搞到遊客上落車都非常狼狽, 旅遊車司機經常要食告票

  3. CNN呢d投票結果,真係認真就輸啦。
    上次食皮蛋都話嘔心就知佢衰左啦,最後又要道歉,不知幾瘀。
    唔係下下外國調查一定對。
    更何況呢次又唔係專業評論。如何留意埋另外其他不該景點,真係得啖笑。

  4. 其他景點唔comment, 唔熟
    但星光大道嘅膠, 甚至整個香港旅遊業嘅硬膠, 簡直磬竹難書
    只是不在這個行業的話, 係好難想像到點解可以做到咁超級硬膠
    無座椅休息, 對外國遊客嚟講真係問題, 因為佢地唔人一1

  5. 其他景點唔comment, 唔熟
    但星光大道嘅膠, 甚至整個香港旅遊業嘅硬膠, 簡直磬竹難書
    只是不在這個行業的話, 係好難想像到點解可以做到咁超級硬膠
    無座椅休息, 對外國遊客嚟講真係問題, 因為佢地唔會走馬看花、諗住影幾張相就閃。外國遊客會好注重景點嘅 “深度” , 會探究呢個景點到底點樣體現到呢個城市的獨特性, 會樂意花時間。
    但大陸人呢, 只要 “有相有真相” 證明到此一遊就走人。呢個就係外國遊客同大陸遊客嘅分別。淨係講李小龍像, 大陸人只會爭同個銅像影完相就算數。但外國遊客往往希望有機會了解更多關於李小龍的故事

    呢個情況亦係旅發局、旅遊事務署嘅盲點, 除咗因為過份集中發展大陸客之外, 更加係普遍香港人出外旅行都係 “有相有真相” 證明到此一遊就算數。EVEN 去德國聖母院都好, 會真係花那1小時停留時間理解呢座建築嗎? 於是乎班官咪又係咁嘅思維去搞香港嘅旅遊業, 然後只會引晒啲同胞落嚟, 而唔會真係考究不同國藉嘅遊客真正需要去推廣香港旅遊業。

    容許我抽下水咁講, 就係班官硬膠嘅思維, 唔會諗到巴士總站同KMB 可以係景點同行程而打算走去拆咗個巴士總站吖!
    http://www.youtube.com/watch?v=Vz9IG-I2TE4
    http://www.youtube.com/watch?v=fQwkvNU8hbE

  6. 新仔:
    呢個咪就係旅遊事務署同旅發局的硬膠囉, 一日到黑只係諗住大陸客
    30年前香港旅遊業無大陸客架, 點解又養得起咁多人呀

發表迴響

你的電子郵件位址並不會被公開。 必要欄位標記為 *