激到記者都遊行真係非一般嘅膠

20110820-010011.jpg

要激到保守估計三百,但實際應該有五百幾位記者出嚟遊行,仲要早上十一點出嚟行,係難度好高嘅事,唔係個個都係小弟果隻,喺新聞界嚟講已經係半退休人士。報館記者返到咁夜,電視台記者平日咁辛苦都出嚟,周六可以瞓晏覺嘅時間好寶貴,大家可以諗到有幾憤怒。而記者口中大嗌曾偉雄垃圾,唐英年垃圾,更加反映佢地有幾火滾。

記者激到咁火都嚟,主要係警隊有幾個嚴重問題:

1. 當《警察通例》第39章無到,《警察通例》第39章賦予持記者證或記協會員證人士執行職務上特權,警察係唔可以阻住記者執勤。但李克強訪港期間,警察犯晒《警察通例》。
2. 有幾位記者,被人搜銀包,如果唔阻止,遲早以安檢為理由搜查新聞材料。新聞材料喺法律上,同律師行嘅文件一樣有專業特權保護,除非向法院申請production order,否則警察不得搜查新聞材料,包括記者電話簿。但依家警察當私隱,同新聞專業特權係乜?

自曾偉雄上嚟後,情況越嚟越差,去到根本接受唔到嘅程度,唔出嚟遊行真係當病貓。前輩范姐范浩齊講,應該下次杯葛採訪領導人來港活動,亦唔會發GIS嘅稿,我個人高度贊成呢個建議,咁鍾意報,你自已搵文匯大公自我感覺良好飽佢喇。

後話:呢次遊行有幾個觀察

1. 警方始終要玩嘢,迫記者經中信大廈極窄樓梯上天橋橫過夏慤道,如果下鋪警察再玩嘢,示威者實會佔領夏慤道。根據東隧梁國雄案,警方唔可以阻住玩road blockade。

2. 有部分親政府記者,立場轉向,大家睇到曾偉雄膠力非一般。



6 thoughts on “激到記者都遊行真係非一般嘅膠

  1. 上次門膠狗大總部「企圖爆竊」荒謬老屈疑案,三位記者當中,其一來自保皇到唔恨的腥賭集團,特衰政府完全垃圾到如斯地步,又點怪得圍內人以至擦鞋喉舌友,都頂佢唔順要反面?

    亞光王八來港做親民騷做到過晒火位,點解佢上頭黑仔強要驚百姓如見鬼?真係好懷疑到底係老共黨主淆底,定係禿鷹憎自作聰明碌柚痕癢,無0個樣整0個樣?

  2. 范太話,一國大D,顧全領導顏面更重要,
    二制,紙上話,顧全大局,不是有自由就叫。

  3. 但網上幾個討論區啲唔知係人定五毛既, 都好反感記者今次遊行播.

    公投一役証明香港人無足夠智商去支持民主; 而呢一役似乎暗示香港人根本無咁既智商去支撐起新聞自由….

發表迴響

你的電子郵件位址並不會被公開。 必要欄位標記為 *