所謂港股直通車只益大鱷

今日好多啲股膠,一聽到李克強話乜嘢港股直通車,就兩眼發光,以為有金執。

如果照舊計劃,中國股民可以用自己開立嘅戶口,直接買賣實貨,咁我覺得真係對香港股市有利,個場多啲人好過少啲人玩。

但依家個方案,原來只係俾證券商搞ETF,咁中國股民喺A股市場買ETF。呢招真係大鱷有得分,你就有得震。

喺中國呢啲監管不健全嘅地方,ETF有嘅嘢一定極盡騎呢,唔會係盈富基金呢挺指數追蹤基金,隨時係好似Blackrock嘅iShare咁,啲ETF連住一大堆唔知乜嘅衍生工具產品,屆時證券商又賺管理費,又可以揸住由ETF吸番嚟嘅水,喺香港衍生工具市場,以及其他方面舞龍咁舞,你唔被玩死就奇。

一句講晒,所謂惠港政策,又係中共收買大財主佬用,特別好似高盛果挺美資、歐資公司,香港啲證券行?乜你有資格搞ETF咩。隨時最肥仔果個,就叫HSBC。


One thought on “所謂港股直通車只益大鱷

  1. 老共真係想向股民「派糖」?唔使搞咁多無謂野,即刻勒令李小加執包袱回收大陸,大概好多香港散戶額手稱慶,炮杖都燒唔切!

發表迴響

你的電子郵件位址並不會被公開。 必要欄位標記為 *