香港警察黐晒線

今日李克強訪港,喺麗港城家訪果陣,有條友抱住個著住平反六四T恤行過,已經被人拉咗。咁樣拉人,當然係非法逮捕。

警察為咗掩飾自已膠,就話條友涉及2006年一宗交通事故,通緝緊,所以要拉佢。

首先,差佬點可能一眼睇出條友係通緝犯,但更膠係,你唔記得找你張牛肉乾,都可以係通緝犯。

東方日報:陶大宇變通緝犯

陶大宇咪自已超速,俾差佬截停架,check ID果陣被查到條友有過期牛肉乾未找,咪坐警車返去,但唔代表警察對麗港城果位市民嘅arrest合法,因為警察唔係regular check ID或者stop嘅程序中obtain佢個ID,而係喺一個illegal arrest嘅程序中obtain ID。

況且牛肉乾未找而被通緝,好多時你交低罰款就走人。呢位著平反六四T恤人士可以被無條件釋放(唔係保釋),分分鐘係因為即場掟低三百二十元,咁咪解除通緝。警隊要膠,都咪咁膠,有國安入咗香港警隊,唔該從實招來。



10 thoughts on “香港警察黐晒線

  1. 差佬違反基本法,李克強忘了去探訪果位政府
    總部墮樓阿蛇,用人命墊住俾你地攞彩,又超合乎國情。

  2. 感覺上, 中國人普遍非常認同呢種”非法逮捕”, 對果種所謂過程唔合法就應該導致証據無效既思想非常薄弱.

    即係合唔合法都好, 先拉人進行大搜查外加嚴刑迫供, 只要最後搵到蛛絲馬跡証明被捕者可能犯咗小小法, 整個過程就馬上變成 “合法合情合理” 了. 當個個人都認同呢種思想時, 我係差佬我都濫權喇!

    呢個民族, 根本無決心付出某啲代價去平衡權力, 唔搞到 xx 霸權當道就有鬼喇!

  3. 李克強係唔係當正自己係乾隆王出巡?一單咁細塵嘅事都可以搞到咁膠,俾著我係曾蔭權,你咁樣走埋黎叫我起公屋居屋?真係啋你都傻。

發表迴響

你的電子郵件位址並不會被公開。 必要欄位標記為 *