點解David Starkey咁大鑊

上周五BBC Two Newsnight,David Starkey教授嘅偉論,搞到英國有成堆人鬧佢係Racist,BBC Trust收投訴收到手軟,呢鋪彭定康真係頭都痕。

可能小弟係睇慣陶傑、Toby Young(英國每日電訊報專欄作家嚟)或者Boris Johnson呢類重口味John Hull式言論,佢基本上講嘢就係上世紀果啲英國精英,我唔係咁大反感,但英國本土嘅人,就強烈過你n倍,你睇工黨嘅Ed Miliband抽水抽得幾狠就知。

成個panel discussion,真係技術上犯咗Racist錯誤,係以下呢句:

“If you turn the screen off, so you were listening to him on radio, you would think he was white.”

佢呢句明讚David Lammy(Tottenham嘅工黨國會議員),但暗踩黑人言論技術上犯錯,可能有時傾閒偈,講起利君雅嘅粵語,都有人咁語,如果唔睇畫面,你會以為佢係華人。平日傾偈,咁講成日都有,但傾緊黑人文化咁惹火嘅議題,又講到騷亂,之前踩到牙買加文化咁應,你加句咁嘅remark,就真係好容易被人入係Racist。

特別佢呢句remark,係有白人至上主義成分,喺歐洲,包括英國,Racist未必係大罪,但白人至上主義隨時被人入Nazism,啱啱挪威至嚟劑Nazism恐襲,英國又怕種族騷亂嘅國家,呢句嘢唔怪得被人丙係BNP(British National Party)式嘅言論。唔單喺英國,喺德國一樣會惹出大鑊嚟。

所以呢鋪David Starkey被政客擺上檯有排煩,我想睇今晚newsnight會有乜followup或回應。



9 thoughts on “點解David Starkey咁大鑊

  1. 這正是英國左傾思想嚴重既結果(今日生果報副刊陶傑都講左呢一點)……亦即有人講d左膠們聽唔入耳的(其實大多都係正確既), 就會標籤個個人為法西斯/納粹,以及”種族主義”者,這是左仔們常用的招數……

  2. 又咁講,左膠有幾膠係一回事;細個唔識嘢又反共,唔理咁多打住反共旗嘅就當係好嘢,對列根、戴卓爾夫人作如是觀。後來聽見有人居然講得出”There’s no such thing as society” 呢啲咁嘅嘢,先明白”The right isn’t necessarily right”。無社會,只有家,再退到只有個人…原子化嘅個體最終盲動,何嘗唔係「求仁得仁」?

  3. 成件事根本就係政治正確攞黎搞。而家英美有好多黑人受朋輩影響而覺得美國黑人gangsta 文化巧威威,以不學無術,作奸犯科為榮係事實。啲nigger前nigger後嘅垃圾gangsta rap又不斷灌輸黑人就係要做gangster先夠威嘅錯誤觀念,搞到大量黑人青少年價值觀嚴重被扭曲亦都係事實。政府一向都有將大量資源投入喺黑人社區,又有好多組織專門研究黑人青年問題,咁係唔係引證左好多社會問題其實係黑人社群獨有嘅呢?係唔係有嘢係只准做,唔俾講呢?

  4. “亦即有人講d左膠們聽唔入耳的(其實大多都係正確既), 就會標籤個個人為法西斯/納粹,以及”種族主義”者,這是左仔們常用的招數……”

    同意,左膠最鍾意用呢招黎迴避問題,又或者用黎窒礙佢地唔鍾意聽到嘅討論。亦都因為工黨最鍾意用呢招,所以長久以來蝗蟲大量湧入嘅問題喺舊年大選先因為民情洶湧而得到正視。不過全歐洲都已經對班左膠厭倦,政治正確呢招已經漸漸唔多work.

  5. To all:

    嗱,David Starkey大部分講我都同意,但左膠用納粹黨呢招經常得米嘅原因,係因為歐洲對nazism仍然極有保留,甚至勁過反拉登。

    我地食慣咗重口味,唔代表果隻口味百分百正確,當然,依家班左膠亦太過。特別依家真係,白人被幫派文化污染,搞到自己都一舊舊舊。

  6. 唔想講太多 , 只係覺得社會以至國家 , 若終日在歧視不歧視的指控中糾纏打轉 , 好難真正文明進步 , 長治久安 .

    自強不息 , 誰能歧視你 ? 自暴自棄 , 不罵你半句 , 任君自生自滅 , 又如何 ?

  7. 陶傑今日係生果報副刊繼續評英國暴動,大家可以睇下,不過佢樣已講得岩,左翼既”政治正確”思想下,正侵蝕言論自由(我覺得現今左翼主流媒體主導下,正係以言論自由之名侵蝕自由)

發表迴響

你的電子郵件位址並不會被公開。 必要欄位標記為 *