英國政客全部失去方向

David Cameron嘅演講

Ed Miliband嘅演講

英國政客對陣係好得人驚,一有大事發生可以同日嚟個王對王對陣,兩大黨領袖同日格劍,當然矚目。

但呢兩條友嘅演講,都睇唔清問題。

Ed Miliband唯一講啱係David Cameron A字膊,一味姓賴,但係Ed Miliband過份著重貧窮問題,咁佢點解釋點解有富有白人,有穩定職業甚至係有錢女都走去做looter?唔通佢傻咗?David Cameron話英國價值觀,特別教育有問題,確係擊中要害,大家都知呢幾年英國教育改出個屎出嚟,係保守黨cut budget cut出膠,但工黨教改一樣係硬膠。

David Cameron一味姓賴果種不負責任,正好向人民示範乜叫不負責任,如果要反省,佢一定其中一位。膠到話要檢討Human Rights Act又係黐線,保守黨唔自已照鏡,喺好多司法保障上,英國落後美國,更加落後歐陸。依家竟然想借Riot嚟走數,佢條友黐咗邊條筋?

簡單嚟講,英國啲政客全部失去方向,令人失望。但唯一比較可以告慰係,連David Cameron都話呢單嘢同種族無關,暫時唔駛憂慮有政客抽水要求收緊BNA。

後話:陶傑仲話呢次騷亂係種族有關,實際唔係,依家講英文講到一舊舊嘅白人都唔少。小弟一個英裔朋友講,白種人嘅大食懶絕對唔比移民低下層果批弱,英國白種人無咗向外開拓精神至係問題,英國有番工業可以減少部分無所事事嘅人,但佢怕係新職位都被來自東歐嘅EU國民攞晒,早知移啲香港人入嚟激勵佢地好過。如果英國有美國果種向上流動性,或者法國果種文化民族主義,印巴裔、香港裔、南洋裔(包括馬來同華裔)同黑人新精英,絕對可以喺英倫崛起。



2 thoughts on “英國政客全部失去方向

  1. 法國在各類運動項目上,已經有好多出色的黑人運動員,這點大英根本無得揮。有些誤以為黑人不可能玩得好的項目,在法國改寫了。

  2. @Martin Cherry pick facts to advance your chosen narrative﹐係政黨政治裡面政客最基本嘅入門功﹐唔算失去方向。

    @dbdb 講培育黑人運動員﹐英法點叻都唔夠美國叻啩?

發表迴響

你的電子郵件位址並不會被公開。 必要欄位標記為 *