差佬搏嚟為乜?

【記者陳慧明報道】在中環處理雞苗商販於行人天橋頂示威,不幸墮橋殉職的警署警長劉志堅,其家屬近日向政府「向捨身救人者家屬提供經濟援助計劃」提出申請,不過,據悉當局認為劉志堅事發時動機並非救人,不符合評審準則,建議拒絕批出援助款項。但審批申請的委員認為,紀律部隊執行職務時有特別犧牲而導致死亡亦符合資格,申請值得商榷。有立法會議員認為,事件雖是一宗意外,但該名警長出發點亦是救人,認為當局應寬鬆處理。

我唔知呢度有幾多差佬讀者,應該唔少,但大家應該諗清楚你搏嚟為乜。

呢段新聞,透露咗兩個玄機:

1. 警長唔係因示威者而死,曾偉雄純粹抽水,動機唔係救人嘅話,隨時internal report係寫有人做啲唔係order要求嘅嘢。你班傳媒當初指責示威者做乜,應該有人要切腹。
2. 曾偉雄只係當你班前線人員係地底泥,你為佢咁搏做乜叉。

倫敦暴動點解英國啲差佬,似做花生黨多過真係同班暴徒死過,一方面本來民望因phone hacking,同以往濫用警權事件己經好低嘅MET好多嘢唔敢做,驚做咗衰多兩錢重,但另一方面,MET工會講嘅嘢,值得香港差佬咀嚼吓:

Morale among the police officers dealing with this incident, and within the police service as a whole, is at its lowest level ever due to the constant attacks on them by the Home Secretary and the Government in the form of the reviews into police pay and conditions.

Paul Deller, 倫敦警察工會

當依家警察無晒啲宿舍,或者你幫佢阻止反高鐵示威者,條高鐵隧道喺西九龍紀律部隊宿舍下面掘(認真恩將仇報),你啲差佬諗吓,你究竟搏嚟做乜。成件事最好笑係,依家喺《東方日報》撐果位警長嘅張國柱,都係泛民,咁你班差人仲投葉劉個匯燃致富嚟做?葉劉,去咗邊?閃咗?



7 thoughts on “差佬搏嚟為乜?

  1. 但係當香港警察的意識形態係「除暴安良=維持建制權威、保持表面和諧,政府話乜就乜」,個人權利意識不高的時候,你叫呢班人細味MET工會的言論,未免是對牛彈琴‧‧‧‧‧‧

  2. 「MARTIN你講漏左,2000年(好似)之後入職的警察全部無長俸,供強迫金,福利不如前人又一例!」
    應是「2000年6月(或7月?)1日起入職的公務員」。

發表迴響

你的電子郵件位址並不會被公開。 必要欄位標記為 *