要包庇奸商到幾時

【本報訊】尖沙嘴兩間影音店涉不良銷售手法欺騙遊客,被消費者委員會公開點名。該會就兩店收到 143宗投訴,涉款近 161萬元,包括游說旅客轉買另一款產品,卻賣貴市價逾一倍,又賣壞掉的二手貨,或訛稱「雜嘜」牌是名牌等。立法會議員李華明批評當局遲遲未修訂《商品說明條例》,打擊這些老掉牙的不良營銷手法,令本港聲譽受損,「點只呢兩間吖」。

尖沙咀呢啲鋪頭名都無,只係用名牌商標嚟呃錢嘅影音鋪,長期存在,以前呃鬼佬,依家呃中國遊客。但點解佢地對消委會點名無感覺,因為本地都唔會光顧呢啲額頭鑿住黑店嘅公司,而就算被點名,咁又點?佢地執咗又可以開過第二間,呢啲公司嘅老闆,面皮己經厚過犀牛。

要對付呢班友,唔係修改《商品說明條例》,而係成條Fraud Act 2006引入嚟,拉晒呢班茂利去赤柱食懲教署嘅飯至得。問題係,香港奸商大中細都有,銀行都係走香港無Fraud Act漏洞賣雷曼迷債,既然要袒護大奸商,呢啲小奸商捉條毛?

我真係想知,香港仲要包庇各路奸商到幾時?



發表迴響

你的電子郵件位址並不會被公開。 必要欄位標記為 *