再論外傭居港權事件

外傭居港權呢單嘢,公民黨為咗選舉,出咗個膠聲明出嚟,真係令人搖晒頭。

查實呢單嘢好簡單,李志喜身為資深大律師,有事務律師掟case俾她就要接,呢個同的士司機一樣,的士司機就係唔可以拒載,呢個係專業原則,公民黨一早講咗咪得。

況且喺香港法律下,外傭絕對有權透過司法覆核爭取成文法嘅權益,如果大家覺得好唔妥,就修改《基本法》24條,修改《基本法》24條係政府不可推卻憲制責任,因為發球權喺特首度,泛民依家得民主黨主席何俊仁係知我地講乜。一改24條,外傭同中國大肚婆落嚟香港問題一劑解決。依家唔解決問題唔係泛民,係特首,班土共仲好意思煽動種族言論,都未計佢地喺中國孕婦問題上左閃右避嘅態度。

相反,依家有啲種族歧視言論,我認為極度唔負責任,如果引發菲律賓同印尼排華再起,死傷責任係咪有份發表膠論啲香港人孭先?呢個問題先講清楚。南洋雖然排華浪潮結束,但有啲hihi仲係蠢蠢欲動。

至於葉劉淑儀要求人大釋法,你條友除咗人大釋法就乜春都唔識架,同1999年一樣毫無進步。依家北京唔掂南洋國籍問題,因為中國血統問題一應用落南洋人身上就係一條大欠帳。而且菲律賓、印尼都有華裔大混血嘅問題,你睇菲律賓總統阿基諾三世就知,佢條友就係華人血統,如果有菲傭用佢有史國血統留喺度,咁打算點搞?成個《中國國籍法》燒咗佢?

我真係對呢個政權、呢個泛民,同呢班香港人都無眼睇。



7 thoughts on “再論外傭居港權事件

  1. 之前已經有一次,我記得軀殼黨(禮義廉)曾在議事廳差輪廚公民黨,因某些議題質疑大狀立場,我記得當時余大狀同軀殼議員講過他們工作身份守則問題,你米話,連軀殼精英都不懂此一常識,加上自由黨又整個民調反對八成,地球現在愈見愈危險啊!葉劉離x譜啦,嘢嘢用一國撻香港?

  2. 土共班友我都費事講;泛民又唔抽水同製造議題,唔少對中共仲有幻想,自己有問題或醜聞,次次就俾人過幾楝。左派有事,泛民出句聲去笑番人都唔識開口。咁小問題都可以有位俾左仔插幾力,所以香港自治都係同一國兩制係死路一條。

  3. 菲傭,印傭長遠問題跟本無需釋法,這是香港本身的事,香港人應該自己解決,方法就是停止顧用,改變社會意識形態,自己動手做家務,照顧老少,同時改變就業模式,令夫婦同時在業也可照顧家庭,輸入外勞有問題不是始於現在,所以有林肯解放黑奴,現今那個大城市還有外傭?這是香港特式。自己的事,自己不做,而要求中央釋法,豈非中央都是外傭。

  4. Personally, I agree that our Filipino maids absolutely have their rights to put up the JR in HK. I don’t know why HK people are now so mean and some even agree with Regina Ip’s rubbish proposal.

    I don’t think too many of them would like to move to HK. It is because (1) Many HK people have racial discrimination. It is not good to move to HK; and (2) If I were them, I would prefer to move to a country/city which is fair and have, on average, better spoken English standard!

  5. The CP should have been bold enough to reiterate their position that there shld be no discrimination on the grounds of ethnic origin or profession.

發表迴響

你的電子郵件位址並不會被公開。 必要欄位標記為 *