任何種族歧視言論都需強硬對付

毛孟靜今天信報專欄

毛孟靜喺今日信報專欄,已經將菲傭、印傭申請居港權官司講得好清楚,我簡單撮要係幾點:

1. 依家官司係打佢地申請居港權嘅權利,依家唔申請都唔俾。
2. 入境處審批非中國籍永久居民申請,要以香港為永久居住地,呢個標準係好高。
3. 香港生活費都高到好難有人想申請
4. 要申請屋企人嚟香港,要提出經濟證明係好難

相反,呢幾日有唔少種族歧視言論,小弟作為印尼族嘅一員,對政府以至李慧琼等政棍感到難受,其中李慧琼同葛珮帆嘅言論,我已經根據《種族歧視條例》提出投訴,而謝偉俊嘅言論,小弟亦可能根據《種族歧視條例》投訴,林悅嘅言論亦喺我研究範圍。作為一個識中文嘅印尼血統人士,我係會認真對付呢啲人。華裔人士反對印尼過往排華政策同時,我地亦唔好喺香港搞排印政策,否則我地同蘇哈圖年代嘅印尼有乜分別?

小弟亦有言在先,不論wordpress.com定呢度,任何種族歧視言論,都會不獲刊出,blog.martinoei.com更會公布IP,唔會客氣。


10 thoughts on “任何種族歧視言論都需強硬對付

  1. 李慧琼與葛珮帆等無恥政客, 為求選票, 罔顧事實, 挑動部份港人的排外情緒, 令人髮指.

  2. 唔明點解香港點解會變到咁排外.講下都嚇到賴屎.
    最好告到民建聯個兩條八婆甩褲

  3. 不是要仇外排外 , 但好想講大家討論辯論何謂歧視時 , 真係要份外深入思考 . 本末都要想清楚 .

    記得李天命有個說笑比喻 : 課室坐滿了學生 , 遲來者要罰企 , 甚至拒諸門外 , 可不可以大罵 : 我反對無位坐 , 你地歧視我遲到 !

  4. 這種問題如此高深, 沒有CityU的法學訓練, 沒有葉国謙有天地線幫華叔攞回鄉証返大陸醫病的外交, 是不能理解的

  5. “外傭官司勝訴,就有50萬人湧港搶飯碗搶房屋,完全是不顧事實、危言聳聽的宣傳”. 李慧琼與葛珮帆等人正是推動這種不顧事實、危言聳聽宣傳的無恥政客.

    請參看: hk.news.yahoo.com/吳志森-外傭官司-恐慌策略-212434290.html

  6. “本地的人權律師Mark Daly說得好:If people lack the rights that others have,that makes them second-class citizens by definition.”
    講得好,在英國國籍法框架下,BN(O)係被視作二等公民!

  7. 咁新移民又點計?有人認為新移民搶飯碗,有人認為菲藉人士來港後一樣對香港不利。

    其實任何人士,不論來自何地,都應該有包容心。唔係開口埋口蝗蟲、賓記之類。對人說話來一點尊重,其實已經可以解決好多問題。

發表迴響

你的電子郵件位址並不會被公開。 必要欄位標記為 *