鄧竟成,你癲夠未?

昨天先做《大鳴大放》(電訊盈科NOW新聞台)嘉賓,之後又上《講東講西》(香港電台),其中一個重要原因,因為淫照案成班做評論,偽道德主義掛帥,或者顧左而言他,但對一些真正問題,例如司法標準不公的問題,視而不見,非講不可。

但今朝起身,已經出現更膠的事,警方不斷拉人,四位恐怕係花生客的,被警方拘捕。

之前都分析過,前一哥李明遠係口臭,有時做嘢都過咗火位(WTO同貝多芬),但佢算得上係儒將,至少唔會亂嚟到全民皆反的程度(當然亦同李明逵退休後真係諗住退休的清廉心態有關,佢有料從政唔從政,堅拒加入私人機構,你估係其他膠人咩)。呢次鄧竟成我唔知佢打緊乜算盤,明知佢拉咗一件花生黨,仲要撞正有件衰十一的可以保釋,已經搞到全民慶過辣雞嘅地步,你依家差佬咁拉人,係唔係全香港網民出嚟遊行,將鄧一哥當成葉劉咁料理至得?

件事發展到呢個地步,已經係癡晒線,如果政府繼續膠落去,主流傳媒,唔計蘋果日報、PCCW、香港電台個別節目,其他繼續發膠音,好快會有搞大年初一同你上街反鄧竟成,或者大年初二放煙花果陣,維港兩岸煙花客舉住反鄧竟成標語同你開年。

發表迴響

你的電子郵件位址並不會被公開。 必要欄位標記為 *