香港娛樂界的死亡筆記

愛迪生.陳的艷照事件,已經發展到膠到無朋友的地步。陳冠希、鍾欣桐、陳文媛和張柏芝可以點收科,我都教不了他們。而可以肯定的是,手上有相有片的傢伙,只會擠牙膏般一日放一至兩張,把整個娛樂界凌遲。

不過有趣的是,為何網民尊稱放相那位神秘人叫奇拿。

大家看譚詠麟那副嘴臉便知,這次陳冠希看來都不知怎向公眾解釋時,他只會指責放相人搞出歪風,那他們娛樂界中人私生活,就不會造成歪風,他們提倡要監管互聯網,監管傳媒,大概都是想他們口是心非的雙重標準作風繼續下去,因此,網民便稱放相人做奇拿。

放相人固然不會是好人,但拍相那個傢伙,大家也不會怎樣同情。奇拿這個綽號,已經反映了網民的看法。如果影藝人協會,或像查小欣這類為虎作倀之人,還在大發厥詞,香港人日後對藝人的態度應會是:膠都費時俾。
(小弟最早可稱為博客的東西,應是在SCMP.com年代的Channelhome娛樂炸彈的專欄,結果這個稿費頗低的專欄,因評彈娛圈事惹出一堆火,這篇應是封刀多年復出之作第二篇。)

9 thoughts on “香港娛樂界的死亡筆記

  1. sorry, 人家在家中的床事, 又關大眾何事? 是不是做了藝人就要比神父的純潔呢? 對於某些藝人在外拈花惹草的行為我也不敢同意, 但唔通人家在家中做甚麼, 我們都要插一腳? 要求藝人做好榜樣之外, 都要俾番佢地一d空間.

    坦白講, 你質疑拍照者既講法同大陸某d硬膠傳媒批評人家男女朋友私拍裸照寫真做留念有何分別? 問題始終是, 一如各類私隱文件一樣, 拍時雙方要同意, 以及只限雙方或獲授權人士觀賞, 除非有證據證明有人被迫拍下裸照, 否則本身是私人活動, 大眾冇權干涉!

    (我係眼不見為乾淨之輩, 不過我覺得, 呢d野應該係待人以寬律己以嚴, 否則同道德塔利班有何分別)

  2. 但問題是,這一批愚圈中人也喜歡充當道德代表。
    現在發生的事,正是有人「踢爆」他們經常批評的「歪風」發生在自己身上。

    越道貌岸然,被發現與事實不符時,引來的反彈越大。由此你可以猜到那人如何選擇第一個受害者,因為她的公眾印象是極度純情(近乎白癡)。

    試想想,如果發放的裸照不是她的,而是蔡志森的,大家肯定會更亢奮。

  3. 所以除了一個自己頗欣賞的人之外, 對於其他遭殃的人, 我只會贈他們一句”人在做,天在看”, 善惡到頭終有報.

  4. 唔通殺人犯叫人唔好殺人, 我地就可以話: 呢d人冇口話自己, 所以唔駛聽佢地支笛, 於是我們可以殺人?

    我想冇人會如此解讀, 但以發言人身份去判斷他們的話可聽與否並不恰當, 說話人欠公信力, 但講出來的說話畢竟仍有道理, 都要聽下ga

  5. 即係咁講, 就算你攞殺人嚟做例子, 世界上都有一樣嘢叫做死刑, 即係有啲人賤格到死都無乜人可憐.

    而家發相果條友之所以俾人叫佢做奇拿, 唔係我哋因為覺得佢無做錯, 唔係因為覺得佢唔抵鬧, 而係因為覺得果啲平時以果啲以扮哂衛道之士既圈中人, 得把死人口, 俾人刺破牛皮, 大快人心而已.

    果啲人出嚟講道德? 聽! 一路聽一路指住佢嚟笑囉.

  6. 梗係有分別. 911 同 南亞海嘯 死果啲係無辜既人.

    而今次裸照風波, 如果係堅既 (當然啦, 啲相係真係假仲未有定論), 果啲所謂既受害人就唔係無辜既.

    唔好攞啲唔係無辜既同啲無辜既比較.

    老實講, 藝人要唔要做好榜樣係佢哋既事; 但如果你要呃個社會, 等社會以為你係純情, 以為你係好人, 從而得到某啲著數既話, 對唔住喇, 你俾人踢爆之後個反彈就係咁大.

  7. 但當日亦有好多人話呢d人唔做美國人/印尼人嘛得囉! 鬼叫佢地幫美帝/排華國家扛工/做公民?!

    要拗, 老作都得, 但咁講真係唔駛再講落去啦

    何謂無辜?藝人講真都係一份工來的, 唔通真係要冇哂私隱? 人地屋企應該唔係”工作場所”吧? 何況在廿一世紀佢地今次行為是否真的不能接受其實係有得拗既

    但係”受害者抵死”就一定係狗屁不通

發表迴響

你的電子郵件位址並不會被公開。 必要欄位標記為 *