唔怪得會咁膠

鄭 家 純 歸 咎 有 人 在 選 舉 期 間 將 梁 展 文 事 件 政 治 化
2009-04-18 HKT 18:23

新 世 界 中 國 地 產 主 席 鄭 家 純 被 傳 召 到 立 法 會 調 查 梁 展 文 離 職 工 作 專 責 委 員 會 作 供 , 他 強 調 , 聘 請 前 房 屋 及 規 劃 地 政 局 常 任 秘 書 長 梁 展 文 是 合 情 合 理 合 法 , 無 考 慮 利 益 輸 送 的 疑 慮 , 因 為 認 為 梁 展 文 沒 有 參 與 紅 灣 半 島 補 地 價 商 討 。
鄭 家 純 歸 咎 , 有 人 在 選 舉 期 間 將 事 件 政 治 化 。

鄭家純果然係X建聯的成員,鄭家純係X建聯監察委員,連佢的答案都充滿X建聯味道,呢個世界好多嘢都睇落合法,但一定政治零分,例如紅灣半島事件就係,明知梁展文批紅灣半島的,你鄭家純請佢做地產做乜,好玩呀?之後就轉移視線,話有人選舉期間將事件政治化,咁蘇錦樑副局長,另一位X建聯成員,用佢張咭片申請菲傭續期,被人篤爆,咁又係有人選舉期間搞政治化?轉移視線搵第二樣。

況且紅灣半島呢件事,早在2004年2月,我做商台《風波裡的茶杯》獨立監察員果陣,已經在內部報告建議鄭大班,對呢單膠到無朋友的交易跟到底,因為確實離晒大譜。鄭家純喺立法會竟然咁囂張,我真係覺得佢比任志剛更值得比人用審犯嘅方式當眾盤問。

我依家明點解香港商界搞政治搞到一鑊泡嘅原因,佢嘅腦袋,唔搞出屎就怪喇。

發表迴響

你的電子郵件位址並不會被公開。 必要欄位標記為 *