梁振英做特首?咪妄想

根據《南華早報》報導,梁振英已經私底下向人表示,他有意競逐為2012年的行政長官。

2012年中共還存在與否,小弟不知,假設中共依然健在,小弟的答案很簡單,北京硬膠到硬塞梁振英當行政長官,中南海諸公就聽硬膠喇。

梁振英也好、唐英年都好,以至曾俊華都好,甚至一度都認為得的黃仁龍資深大律師,他們過往有什麼功績足以證明他們有能力領導香港?他們全部都膠到無朋友,特別梁振英,擦鞋佢就識,做實事佢識條毛?

在蜀中無大將的情況下,如果北京硬要排擠泛民的人,不論陳方安生還是梁家傑,小弟唯一接受當行政長官是金管局現任總裁任志剛。聽落像怪談,但至低限度,他經歷過的風浪,作為一個看守特首是okay。

北京應該考慮2012年就特首普選,如果還拖到2017,香港?你管埋我果份。所以,今年七一一定要上街,我建議標語有:

「政府,你膠夠未?」
「快啲普選,趕走膠人」
「曾蔭權,你不該」
「陳一諤,真福佳」(對住陳一諤,一定要時時刻刻提醒佢,香港曾經有馬力呢個人)

之後大家諗落去,有幾膠得幾膠,一定要有膠力,泛民果啲口號太正經,唔掂。

One thought on “梁振英做特首?咪妄想

  1. 71遊行, 最緊要每人帶張咭片, 睇下可唔可以渣住入去政府總部既pass

    其他71遊行標語
    / 要求林水輪向北大人反映中國出兵南沙既需要

    / 要求特首頒大紫驚徽章比Laughing哥

    / 要求成立光子力研究所以保障在泰國港人安全

    / 2012雙腳損!

    / 睇戲要高清, 勾結要高官

    / 要求成立膠政專員, 專捉膠官鳩吏

    /

發表迴響

你的電子郵件位址並不會被公開。 必要欄位標記為 *