花生黨危害鯨魚安全

雖然香港人無日本人咁變態,鍾意食鯨魚肉刺身,不過呢,香港嘅特產,雙重標準嘅花生黨就對香港水域果條失蹤座頭鯨,帶來嚴重威脅。

除咗漁護署執行相關保護動物法律船隻,以及專業觀鯨組織科學人員船隻,查實其他船隻都不應行近條鯨魚,原因好覺單,船隻引擎聲會滋擾條鯨魚。漁護署船隻係有必要護送條鯨魚(無日本捕鯨船,但中國的船隻就⋯⋯),而科學人員陪同觀察亦好合理。但香港班傳媒,就一邊呼籲人地唔好行咁近,一邊十幾隻船喺度報導,呢啲雙重標準真係令人反胃到暈。

更衰係果班花生黨,香港周圍都有花生食,你可以睇住周一鑊派膠藥,你可以睇Laughing哥(雖然我對Laughing哥零興趣),高登日日大把膠人等住上位,但有啲花生食少陣係唔駛死,好似有啲茂利竟然租船去睇鯨魚,如果有人玩自貼嘅玩,呢啲食花生食出膠嘅人,係咪都應該拎出嚟恥笑一番?

有個facebook group呼籲各位唔好出去睇鯨魚,大家應該去參加,證明香港未變成冷血花生之鄉。

http://www.facebook.com/group.php?gid=58192099911

延伸閱讀:
繆美詩:給牠一條生路

6 thoughts on “花生黨危害鯨魚安全

  1. To madeline

    大部份中國人很可能真係前世未見過鯨魚

    要記得無幾耐前鯨魚只係用來做燈油的. 人口比例上中國人的漁民比較少. 有能力打這種大魚的…絕無僅有.

  2. re 方潤

    漁民有很多種,中港台都有遠洋漁民的。

    日本漁民較多捕鯨,而中港台則較少,不是捕不捕得到的問題,而是後續的加工處理,中港台的漁民欠缺相關設施和技術去搞。

發表迴響

你的電子郵件位址並不會被公開。 必要欄位標記為 *