周一鑊應該考慮切腹

香港嘅問責制,我真係想知係咪已經同董建華嘅八萬五政策一樣,唔講就唔存在。

近日連串藥物安全事故,簡直可以用膠到無朋友嚟形容,小弟想問,依家除咗去個別有信譽嘅私家醫院外,或者睇完醫生再去搵藥房自己配藥,香港邊度睇醫生係食到安全嘅藥架。醫管局嘅診所同醫院,俾啲藥係唔係無問題,竟然係個謎。之後不少私家醫生開嘅藥,都唔知係唔係歐化藥業之類嘅產品,小弟有位比小弟更為藥煲嘅朋友,她手上就有兩包藥係歐化藥業,本來病咗仲要嚇餐死,真係唔知乜世界。

依家搞到一鑊粥咁,在西方國家一早人頭落地,部長落台,但依家似乎周一鑊醫生繼續其每日嚟一鑊嘅特色,似乎無意思落台,我想問,係唔係要有人食到膠咗,憤怒嘅市民包圍政府總部至會有人落台。

呢啲人工世界級,水準非洲級嘅官,不如送去津巴布韋算啦。如果周一鑊仲有少少廉恥,小弟建議佢切腹算,好過被人圍毆。

4 thoughts on “周一鑊應該考慮切腹

  1. 與其等人自我問責切腹,不如自己切腹冇眼睇仲來得痛快,不過如果有勇氣切腹,不如出黎搞鑊勁睇下可唔可以改變一下呢個世界仲好。

  2. 市民對公共醫療下的藥物安全失去信心,甚至連私家醫生配的藥也有戒心,有經濟能力的,或會從此轉往私人市場自行配外國進口藥,從而加快醫藥分家,長遠來講未必完全是壞事。

發表迴響

你的電子郵件位址並不會被公開。 必要欄位標記為 *