港鐵正白痴

港鐵康城站乘客指南

港鐵將軍澳線非繁忙時間營運圖

我想問,依家港鐵係咪由一班白痴負責去管?

依家根本成條康城支線的設計,就係接近丸之內模式,既然係咁,無喇喇要早上繁忙時間每四班車,有一班係由康城站出發嚟把鬼?依家解決方案好簡單,就係早上由康城站出發的車,在將軍澳站飛站,全部人等在調景嶺站落車,一係坐去港島,一係坐去觀塘,就係咁簡單。

議員膠、港鐵膠,人人齊齊膠,暈。

13 thoughts on “港鐵正白痴

  1. 議員在交通問題成功幫助將軍澳居民嗎?寫信俾佢地(包括劉慧卿議員),佢地話跟進,結果佢地既大部分意見被運吉署打回頭

    打去港鐵俾意見,意見接受,服務照舊

    如此田地,咁小民應該去邊反映意見呢?

  2. 兩件事:

    1. 直接鬧爆副局長邱誠武,呢鋪朋友都無情講。

    2. 睇下次交通Panel幾時開會,不如叫議員組織成班居民衝上Panel meeting,當眾鏟爆班膠官算,運輸署叫運吉署唔係浪得虛名。

  3. 唉, 唔止呢單野, 之前新聞仲話, 港鐵打算201x年購入國產列車…到時搭地鐵車頭冒煙出軌, 都似…

  4. 我其實都覺得依家由藍田去鰂魚涌無以前禁方便,以前過左藍田之後就已經到左鰂魚涌,相當快!!!依家直情要浪費多10分鐘係轉車度, 有時都幾把火!!

    如果可以回到過去,其實只需要擴建藍田站同埋有幾班直情係早上由藍田出發,專為調景嶺線居民使用,應該可以節省一d時間. 另外,我都覺得康城線應該直接駁去調景嶺站,真係方便好多!!

    To: Alvin
    問題係觀塘站附近已經無多餘空間可以再擴建,除非將一半官塘工業區搬走,否則都係空談!!

  5. To Alvin:

    康城站直通觀塘線,可以在早上做,因為康城站根本係車廠站。但論效率,丸之內模式的效率睇落比較好。康城直駁調景嶺,已經係最優化安排。

    To Paul少:

    果啲國產列車我寧願留番俾深圳四號線,安全程度真係???

  6. 而家港鐵唔夠車,所以先至諗出康城Shuttle嘅idea,如果夠車嘅話,相信會行返3:1。駁觀塘線可能仲衰,因為咁只會拉疏成條觀塘線嘅班次,得不償失。

    至於油塘站嘅轉車問題,其實觀塘線北角延線原本係預左比將軍澳線用,只不過當時[魚則]魚涌嘅擠迫問題真係刻不容緩,先至提早興建。北角延線嘅作用,除左用來紓緩[魚則]魚涌轉車站嘅壓力之外,仲係用來以對面月台轉車節省嘅時間,offset觀塘線改行調景嶺嘅額外行車同轉車時間。港鐵就係錯在呢個基本嘅策略問題,如果當年將軍澳線能夠同北角延線同時通車,相信九龍東嘅乘客會無咁反感。

  7. 非也..

    當年再慢,也不及今日的慢,根本完全 offset 唔到

    何況,魚則魚涌及以東的居民呢?佢地的損失係 100%

  8. 要講損失,北港島線通車後,由炮台山前往香港最重要嘅地方,都需要喺北角站轉車,損失比將軍澳線過海更大。

    以油塘站前往[魚則]魚涌站需時4分鐘計(同當年藍田站一樣),將軍澳線過海增加嘅轉車時間只係3~5分鐘,視乎將軍澳線班次能否配合。

    之所以當年將軍澳線必須取代觀塘線過海,係因為藍田站同觀塘站喺技術上無法改建為可供對面月台轉車嘅轉車站,除非將成段觀塘線由彩虹站開始地底化。當然,我唔知點解地鐵寧願幫昂貴嘅五桂山隧道加多兩條線,都唔考慮觀塘線地底化。可能果度嘅地質真係唔適宜喺地底起鐵路掛…

    不過,北港島線對炮台山區造成嘅交通惡夢(稍後再詳談),卻係可以避免的,並不涉及技術上嘅問題。只要將將軍澳線同北港島線合併,取代原有方案,既不會影響炮台山區,又能夠順便幫東隧提速,真係一舉兩得。

  9. mileycyrus1992 – 你將將軍澳線同北港島線合併嘅構思唔錯﹐我另一個想法就係將觀塘線由黃埔過海到炮台山/北角再接現有將軍澳線﹐將觀塘線變成一個類似東京都營大江戶線嘅6字型線。這個設計將軍澳和港島東居民有一條捷徑到油尖旺﹐唔使取道東九龍/金鐘。

  10. 其實黃埔過海延線計劃早喺80年代中末期(我都未出世)就已經存在。當年嘅計劃係延長九鐵英段,以炮台山作為港島嘅”九龍塘站”,可惜因為機鐵嘅出現而被前地鐵否決。不過,無論東涌線定喺北港島線,對紓緩荃灣線彌敦道段擠迫始終無觀塘線過海咁好。起碼前往銅鑼灣同港島東嘅人可以改用觀塘線而唔駛同人迫荃灣線,但係東涌線既唔能夠直達彌敦道呢個九龍嘅中心地帶,又唔能夠直達銅鑼灣,分流效果成疑,唯一可以肯定嘅係,炮台山將會成為北港島線嘅最大受害者。

    至於北港島線嘅好處同帶來嘅方便反而唔係咁明顯,因為無論最終嘅規劃係點,北角站雙向轉車嘅事實(加埋炮台山就三向,分別係兩線交叉轉乘同炮台山反方向轉乘)都唔會改變,而北港島線沿線嘅交通需求亦未能夠肯定。不過港島東嘅特快巴士多數行海旁而非內街,同北港島線重疊,採用原計劃只會比運吉籍口去cut東區走廊嘅巴士線,而北港島線同將軍澳線合併,卻可以喺唔駛喺北角轉車嘅情況下,將九龍東前往中環同灣仔北商業區嘅車程縮短(北角/炮台山之後嘅下一站就係灣仔北,車程2~3分鐘),滿足長途通勤嘅需求(銅鑼灣極其量只係購物區)。

    FYI:北港島線嘅原規劃係同港島線東段合併,將軍澳線略過炮台山站延伸至天后及港島線西段。

發表迴響

你的電子郵件位址並不會被公開。 必要欄位標記為 *