黐孖筋的台灣傳媒

本文授權年糕料理館同步刊登,由於用了大量香港中文,如台灣朋友看不明白,請見諒

這數天看到台灣傳媒,追問王世堅何時去跳海,這樣都可以是新聞,覺得呢幫桶媒都是膠到無朋友。

首先,作為新聞工作者要問是,王世堅跳海與否與公眾利益有啥關係。如果台灣有高登討論區,王世堅欠下這樣的一條J數,就由網民慢慢追飽佢去好了,記者有限的時間,有限的資源,是不是應該在更重要的新聞之上?這方面,我認為台灣有份追王世堅J數的傢伙,通通失職。

另一方面,我發現台灣政壇普遍有賭J的風氣,如果真係追J數,正如王世堅所講,馬英九話過搞唔掂社子島都要切腹,點解呢條數又唔追,日日都睇賭J膠聞,原來全台灣都係睇高登新聞嘅。

事實上,不論香港還台灣,近年某些政治記者,為了某些政治目的,追一啲根本唔係新聞嘅新聞,例如陳方安生「十成按揭」,或王世堅嘅J數,都係呢類,對真係有問題嘅地方視而不見,呢啲桶霉之所以被人鬧爆,唔係藍綠問題,而係呢挺新聞工作者實在太膠。

肥佬黎話,王世堅跳咗海唔駛游番上嚟,我話,成班記者陪佢跳,然後都唔駛游番上嚟,台灣唔駛膠聞報導。

3 thoughts on “黐孖筋的台灣傳媒

發表迴響

你的電子郵件位址並不會被公開。 必要欄位標記為 *