令人懷念的MAXIM香港版

由《陳大文部落》那邊,看回MAXIM香港版未停刊前經典的無用港男與劣質港女圖,始終覺得香港版《MAXIM》,實在比依家中國版《MAXIM》好睇n倍。

由SCMP中文部主理年代的《MAXIM》,是原本《奪標》雜誌的班底去搞,這班人以往在SCMP集團有名的是,除了SCMP英文報紙部門外,講嘢最有搞笑能力的一群人。所以香港版《MAXIM》賣點從來都不是美女圖,要看美女圖,外國和日本大把雜誌做得好過《MAXIM》,最好睇是《MAXIM》經常拿董建華,以至香港一眾政治人物開玩笑,好多時真係笑爆嘴。通常開玩笑方法,就是類似無用港男或劣質港女圖。

當然,《MAXIM》有可能經常拿一眾土共開玩笑到,有土共向郭鶴年抗議,因此香港版最終還是要停刊,在報攤買是南早代理的中國版。結果,要睇膠,還是要去高登或每日一膠看。

一個健康的社會,應該有恥笑各類人物的雜誌,例如《MAD》之類。中國人社會,離健康好遠。

2 thoughts on “令人懷念的MAXIM香港版

  1. Martin ,你這文章令我勾起唔少開心回憶,雖然我無本事(英文 ~….)去 SCMP 做,小弟 N 年前初入行第一份工係『華橋日報』,當時報館在鰂魚埇,華橋在三樓,SCMP 就在五樓,四樓是 SCMP Canteen,華橋是和 SCMP 共用 Canteen 的,SCMP 餐廳好好食,好西化,令初入行盲毛的我一開眼界,每天見英文報紙同業,佢地好 Nice,那時候,本港報業同行都是很友好,新晚報、星晚等等,還有『華南經濟新聞』,百花齊放,同行見面大家好好朋友,無乜所謂。

    現在報業及傳媒競爭已令這行很辛苦,很難捱。

    MAXIM 是一本很高質的雜誌,『HIM』是比不上它,MAXIM 玩的黑色幽默和揶揄,是尖銳得來又出得大雅之堂,男女都會有共鳴,可以稱為雅士讀物,係一種品味嘅象徵。

    ……

  2. 我英文都唔多好,雖然我應該係在SCMP走過最多部門的人之一(PC Home, scmp.com中文部, SCMP Classified Post招職, SCMP Young Post(無出byline), 萬家科學,仲要在梁天偉面前提出引入Cosmo Girl!,睇住撐林和立的人出New China Morning Post)。

    我做SCMP果陣,得SCMP大埔有Canteen,但個Canteen係okay,通常係被人充軍去大埔督導出菲林至有機會。英文報紙同業係好好人,好肯教你。

    同埋《MAXIM》香港版,在SCMP年代有唔少港女讀者。

發表迴響

你的電子郵件位址並不會被公開。 必要欄位標記為 *