港鐵廣告後遺症

廣告要成功,除了拍得好靚,傳達的信息很令人感動,如果係一條膠到無朋友,可以翻炒又翻炒的爛gag,都會好有廣告效果。

港鐵近排好興,將若干車站名字好像砌字遊戲般,然後砌成一句成語,或一件事物的名稱,例如沙田、西灣河、粉嶺就組合成沙河粉,然後背景張相就係有人食緊沙河粉,帶出兩鐵合併後「一路帶動生活」嘅信息(好不幸,呢句本身就係爛gag)。

之後,當你的名字,會全部喺港鐵車站群名字中出現時,你的朋友又有你的照片,好快就會有人Photoshop個以你做主角的港鐵宣傳廣告俾你。近排仲黐線,有人將上環、大圍、太古同大學四個站名字組合在一起,主角是台灣歌手蔡依琳,對了,大家都知果位仁兄想講乜了。

近日港鐵搞爛gag傾向好嚴重,再咁落去,可能出現係,港鐵的快相站,會包埋呢個以港鐵廣告為主題的貼紙相,到時我唔俾個囧字都唔得。

關於台灣選舉,因為剛養病完,只是想臨睡前鬆一下,所以明天有閒才評。

發表迴響

你的電子郵件位址並不會被公開。 必要欄位標記為 *