政治酬庸重要過窮人上網

多 名 議 員 要 求 綜 援 兒 童 可 獲 上 網 津 貼
2009-03-05 HKT 12:10
在 立 法 會 一 個 委 員 會 上 , 多 名 議 員 要 求 將 學 童 上 網 費 , 列 為 綜 援 兒 童 的 津 貼 項 目 之 一 。
議 員 梁 家 傑 認 為 , 現 時 學 童 要 在 網 上 學 習 及 做 功 課 , 上 網 費 已 成 為 家 庭 的 基 本 開 支 , 但 不 少 綜 援 家 庭 無 法 支 付 這 筆 開 支 , 影 響 兒 童 學 習 。

不 過 , 勞 工 及 福 利 局 首 席 助 理 秘 書 長 張 岱 楨 認 為 , 綜 援 計 劃 照 顧 受 助 人 的 基 本 生 活 需 要 , 上 網 費 屬 學 習 開 支 。 一 個 4 人 綜 援 家 庭 , 每 月 平 均 領 取 綜 援 金 9920 元 , 已 較 最 低 20% 收 入 組 別 的 四 人 非 綜 援 家 庭 月 入 為 高 。

他 又 說 , 多 個 部 門 , 包 括 康 文 署 的 圖 書 館 , 下 月 會 將 服 務 時 間 延 長 , 方 便 市 民 上 網 。 專 業 團 體 及 社 區 組 織 合 作 設 立 的 地 區 數 碼 中 心 試 點 計 劃 , 上 月 正 式 開 展 , 為 貧 窮 家 庭 的 青 少 年 及 有 需 要 人 士 , 提 供 資 訊 科 技 及 上 網 服 務 。

上述言論,除了代表張岱楨係汽水愛好者,鍾意飲9up汽水外,亦代表了,政府要搞政治酬庸重要過真係幫綜援人士:

1. 依家CTI HKBN, HGC和PCCW爭到要死,人均Broadband費應該唔會增加好多政府開支,審批綜援的人手都係fixed cost。

2. 但果啲地區數碼中心,養住一班NGO,以及成日扮晒要解決數碼隔膜,事實上拎政治籌碼的iProA中人,呢個至係最重要嘅潛台詞。果啲地區數碼中心費用高(要買設備,養technical人員,全部係錢),但照顧的人又唔係咁多。

簡單來講,政治酬庸重要過窮人上網,that’s all。

至於Internet係唔係基本需要,問教育局局長孫明揚,依家教育改革後,屋企無internet點做功課。所以Victor Cheng(成日扮晒評論員監察員的VC),咪被我在facebook公開鬧爆。

11 thoughts on “政治酬庸重要過窮人上網

  1. > “2. 但果啲地區數碼中心,養住一班NGO,以及成日扮晒要解決數碼隔膜,事實上拎政治籌碼的iProA中人,呢個至係最重要嘅潛台詞。果啲地區數碼中心費用高(要買設備,養technical人員,全部係錢),但照顧的人又唔係咁多。”

    我一直都覺得成件事怪怪的,又唔知點形容,似乎你呢段會係一個答案。

  2. 我倒覺得需要未必大,因為學校也會開放電腦室給學生使用,留在學校做功課就可以。

    寬頻津貼很容易引用濫用的懷疑。

    可惜圖書館還不夠多,有些地方不方便去,否則圖書館提供電腦上網已經足夠。只要不是放假日,平日無論早晚,圖書館的電腦都有空位的。

  3. 寬頻津貼係實報實銷,將屋企寬頻張單直接寄到社署。

    留在學校做功課?是不是學校的教師願意留到九點、十點先?

    小弟想過另一個方案是公屋Wi-Fi化,但實務難度太高,亦太貴。

  4. 睇回應文件又係火都黎埋:

    http://www.legco.gov.hk/yr08-09/chinese/panels/ws/ws_pa/papers/ws_pa0305cb2-974-3-c.pdf

    “除了提供資訊及通訊科技設施外, 財政司司長亦在二零零九至一零年度財政預算案建議, 預留6,300 萬元, 舉辦為期一年的活動, 以教育互聯網用戶, 尤其是年青學生, 如何正確安全使用互聯網。”

    明明講緊綜援受助兒童上網,都要插一句「如何正確安全使用互聯網」,哦,不怪得強力推薦在圖書館/指定中心上網,恐怕背後agenda,就是包保貧人子弟要政治正確?

  5. 一些另類意見。

    1. 政府有否搞政治酬庸、政治酬庸是好是醜等,先不在這裡討論;但將政府要搞政治酬庸與幫綜援人士放在一起比較,有點令人費解。如成立,或會有以下公式:
    政府要搞政治酬庸重要過真係xyz。

    2. 將綜援人士與窮人等同,政治是否正確,有待高明指正;但綜援人士應屬已脱貧一族,屬有固定收入的家庭,是毋須工作的政府僱員,是事實。如果能入住公屋,他們在財務公司的借貸能力,比一般草根家庭更優勝好幾倍。政府及議員應多關顧真正低收入的家庭,包括已失業的所謂中產人士。

    叉開一筆講個故仔。有某教授(係唔會俾小樽downgrade嗰種)話當年他在沙田讀書時,4年都分不到一個宿位,只有在第四年才在鐵皮臨宿住了一年。不過,他的老友就年年都有宿位,他就去投訴。事務處回答,他的老友家住石硤尾徒置區,是公認窮人,沒有地方溫書,有住宿需要;但他家住上海街,條件應該較好,故不批。教授話其實他與母相依為命,住上海街唐樓中間房,日嘈夜嘈,條件差過徒置區多多聲。唉,估唔到當年住徒置區都係身份象徵。呢點同綜援人士今日話綜援有負面標簽,是時代進步,還是時代退步?

    3. 香港有冇digital divide,以收入計,大致冇;以世代計,或會有。「依家教育改革後,屋企無internet點做功課。」似口號多於實質需要。屋企有internet(請注意,重點是屋企有或冇),對香港中、小學教育而言,是added value,連充分條件都不是。至於有寬頻,做唔做到功課我們唔一定知,但多咗機會打online game就必然矣。到時我估每半年實報實銷500蚊益智教育電玩都唔算太過呀,一則鼓勵正版,有教育意義;二則推動IT行業,於大局有益,何樂而不為?不過,有了internet,其他硬件呢?至於d細路會唔會因此睇少咗書,相信教育界會有答案。

  6. 四月一日公立圖書館都會延長服務時間啦

    但圖書館既電腦設施夠唔夠應付需求呢?

  7. 我唔知班政客係度想咩,而且數碼的出現造成另一樣資訊溝渠,但我唔覺得政府要幫佢地俾錢上網。

    喂,以前我地細個都有教育電視。咁做功課都要做個啲教育電視習作,唔通佢屋企無電視,我地又俾部電視佢啦喎。

    咁依家佢無電腦,你又俾部電腦佢。無得上網又幫佢俾錢,咁佢無 office,你又幫佢俾錢買 office,要 photoshop,你又俾錢佢買 photoshop。

    講真依家上網要幾多錢姐,無錯,小數怕長計。咁手提電話都係現代必需品啦,你係咪送埋電話俾佢,幫佢交埋電話費。如果你唔幫佢,佢又搵唔到工嫁啦。

    唔好以為幫窮人就一定拿分先得嫁。用少少腦唔該。

  8. 如果唔係教育改革改到依家咁膠,我會同石先生同一睇法。

    問題係,依家教育改革走火入魔到,如果你屋企無網上,做唔到功課或功課成績唔好,係無人同情你,窮人永世係窮人果陣,到時真係唔知點處理。

    我果陣的課程係基本中、英、數,咁上網真係無必要,我中五上網都係為咗交稿方便,同埋學英文。

  9. > 留在學校做功課?是不是學校的教師願意留到九點、十點先?

    其實開放學校電腦室唔需要老師在場,只要有個IT technician或TA就得。當然,要延長開放時間一樣要政府增加撥款,但一定平過每人畀筆寬頻費。

    > 依家教育改革走火入魔到,如果你屋企無網上,做唔到功課或功課成績唔好

    我諗呢點要睇邊間學校,某些學校可能會。
    我就唔覺得敝校學生必須每天上網才做到功課,我們的功課仍以paper & pen 為主,只有部分功課要上網找資料或者用電腦完成。

    > 有寬頻,做唔做到功課我們唔一定知,但多咗機會打online game就必然矣

    同意,現在有很多學生是這樣,學務組有時甚至要建議家長收起寬頻線……我的同事比較擔心學生因為上網疏懶功課,多於他們不上網做不到功課。
    綜援家長理論上應該有更多時間照顧(/監視)子女,但他們會不會比一般父母更懂得看子女上了甚麼網站﹖很難講。

    尤其最近有些網上遊戲,表面上跟一般網頁很相似。以至有人在圖書館玩遊戲,我的助理也看不出來。

    > 但圖書館既電腦設施夠唔夠應付需求呢?

    以我當年在公共圖書館工作的經驗,應該足夠。
    Peak time在星期六日,平日找位置或預約都不困難。(其實連星期六日預約也不難,因為很多人沒預約,只是預約使用的時間有限而已)

    我覺得最大的問題,反而是有些家庭離學校、圖書館都較遠,學生做功課留得太晚會不方便。

發表迴響

你的電子郵件位址並不會被公開。 必要欄位標記為 *