查小欣去咗邊?

查小欣,請你大大聲在《星島日報》鬧人係民主敗類,意圖抽社民連水果陣,留意一下,最近在溫哥華最高法院進行緊一場聆訊。

大家都應該知道我講邊場聆訊,就係陳冠希淫照案果場聆訊,陳冠希已經在法庭上作供承認,上年果堆四圍傳的淫照,係同佢四位女星拍的。

霍汶希大大聲話係移花接木係膠,但霍汶希嘅處境小弟絕對諒解,霍小姐係有責任第一時間維護佢任職公司嘅藝人,就算佢食晒所有子彈都咁話,呢個係職業道德。但查小欣在去年1月30日講過乜:

一個版本是指陳冠希將手提電腦交人維修,有人乘機盜取了絕密照片放上網,如此有跡可尋,警察早已拉人封鋪破了案。

  別說陳冠希,在下家中電腦故障,也有專人上門維修,貴為CEO的陳冠希公司沒有技術支援人員,也不至像中學生般,提覑電腦落MK或黃金修理吧,此說可信度極低。

依家的版本的確係呢個版本,你查小欣係咪應該向公眾道歉?所以小弟一直認為,鄭經翰、黃毓民係唔需要獨立監察員,真係要監察員監察的其中一位主持人,小弟絕對認為係查小欣。請查小姐,向公眾道歉,唔好講完膠嘢唔算數。

如果有人係民主敗類,我想知,查小欣係乜敗類?乜佢有資格鬧人係敗類咩?

附:查小欣在淫照案期間所寫的經典膠文,發膠音唔好走數,否則會被列為欠數人士:

猥褻合照 (星島) 01月 30日 星期三 06:30AM
(綜合報道)
(星島日報 報道)忽然全城變成電腦專家,鍥而不捨研究陳冠希 分別與阿嬌 和陳文媛 的猥褻「合照」,是如假包換,還是移花接木。
  由照片的背景、布置、光铫、燈柱位置,到驗證阿嬌舊照裏的腳板是否與猥褻照中的相同,看來藝人要及早拍下手手腳腳、腰背後頸腋下鼻窿,立此存照,方便他日對證。
  連藝人的性格品行也成為分析論點,常作出位言論的藝人要注意,言者無心,聽者存檔。
  不是Photoshop專家,暫不從技術角度分辨照片真偽,先從照片來源找蛛絲馬舻。
  一個版本是指陳冠希將手提電腦交人維修,有人乘機盜取了絕密照片放上網,如此有舻可尋,警察早已拉人封鋪破了案。
  別說陳冠希,在下家中電腦故障,也有專人上門維修,”貴為CEO的陳冠希公司沒有技術支援人員,也不至像中學生般,提覑電腦落MK或黃金修理吧,此說可信度極低。貴為CEO的陳冠希公司沒有技術支援人員,也不至像中學生般,提覑電腦落MK或黃金修理吧,此說可信度極低。”
  第二個版本是有人拾獲手機,發現內藏超友誼照,名副其實的「執到」。作為一個整天有狗仔隊亦步亦趨的惹火藝人,身懷激照,豈不是挑戰自己的運氣?
  相信”以上任何一個版本都是侮辱智商以上任何一個版本都是侮辱智商”,不如將層次推高,稱是有少年黑客黑入陳冠希電腦或其Facebook盜取激照,可信度會提高點。
  倒不如又指是一次輸賭行動,贏家是神秘放料人,引起全城關注;輸家是民智,一大班男女圍在一起,與赤裸裸的男女性器官相距不到兩呎,在分析是原裝正版還是電腦合成,品味哪裏去了?

  (小宇宙 查小欣 )

2 thoughts on “查小欣去咗邊?

  1. 如果每個人說話都會負責任孭鑊的話, 這個世界豈不是很美好?其實做評論既真是有幾多為正義之士?有幾多拿政治利益本錢?作為凡人的真是事不勞己己不勞心…你因為他們的一句而利益受損的話, 受害又可以做甚麼? 有能力令他們下台嗎? 很多時只會不了了之,或被淡忘.

  2. 仲咩移花接木丫,大部分係 DV 片,不過 CAP 左變成PHOTO ,其他有啲就係DC 拍嘅照片。

    八婆欣成日話『有人上門維修電腦』,無分別㗎,咁又點?上門果個同舖頭果個,其實同一個人(或同一班人),要 Cap 相都一樣得㗎,唔關冠希係唔係 CEO 囉,就算 CEO 唔通又唔會去逛逛電腦商場咩,唔通買隻 USB 手指俾自己部DC用,都要『秘書安排開個 Powerpoint 會議』決定咩…..

    我覺得八婆欣講嘢九唔搭八囉,佢知唔知冠希用 mac 機?阿欣欣又知唔知『Mac』係咩嚟? Mac 都唔係周圍有人識整啦。

    ……..

發表迴響

你的電子郵件位址並不會被公開。 必要欄位標記為 *