政府發債發條毛?

作為一個平日以做融資之類業務為生的人,聽到曾俊華話政府要發行債券,推廣債券市場,真係唔知想恥笑佢,定爆粗鬧爆佢。

1. 一個良好債券市場其中一個條件,係有一個良好評級系統,以便評估資產風險,不能夠為資產風險定價,就唔駛搞債市。但依家標普、惠譽等評級公司全部信用破產,昨天AAA級的資產,明天都可以變Junk,唔好話香港,全世界債券市場,除咗美國國庫券,其他都唔知點玩,依家推展發債傻的嗎?

2. 債券市場另一樣需要係一個衍生工具市場,利用CDO、CDS之類工具去為債券資產買保險,至少違約有人走數都有得賠本金,而唔係高登,成班友賭完可以唔找數的。但依家美國CDO、CDS點監管,Over the counter的產品到底駛唔駛經clearing house做交易都拗餐死,曾俊華唔知想點搞呢個賭場?

3. 對於債券市場,除咗涉及匯率、銀行融資等方面的政府債券,活躍的商業票據市場係好重要,而商業票據市場又要有足夠公司,大家敢買佢的債券同優先股至得。但香港最大的企業,唔計HSBC,其他都係中國國營,乜你好有膽買中國國有企業嘅債券咩。

4. 由於市場出現咁大的問題,所以依家融資息口長期高企,政府話發債得來的錢唔係用嚟日常開支,咁政府咁貴息借番嚟嘅做用嚟做乜?用嚟搞官商勾結?

所以恕我粗鄙,我真係想問曾俊華:政府發債發條毛。

發表迴響

你的電子郵件位址並不會被公開。 必要欄位標記為 *