呢啲係乜嘢預算案嚟?

作為有些財經知識的評論人,睇完財政預算案係把鬼火。

1. 點解依家仲話搞乜叉伊斯蘭金融、債券市場,依家全球金融界都搞到一鑊泡,乜曾俊華以為咁樣可以救經濟?

2. 加多些政府工程,係唔係在香港四處亂咁掘路。可以俾輸入勞工情況下,唔知呢啲工程嘅錢益咗邊個?除咗第四條海底隧道,其他小弟都不贊成。

3. 香港搞第四區工業邨?乜有需求咩?

4. 用三千三百萬嚟推廣粵劇?又唔見用咁多錢推廣其他藝術?

5. 點解曾俊華呢班友可以厚顏到拒絕減薪,政府高層減薪係代表承擔,連減薪都唔肯,叫邊個信你會搞實務。

睇完成份預算案,只能用一肚火嚟形容。

有人post出美國國土安全部,俾BNO同特區護照四十五天免簽的公告,不過呢度係唔歡迎Off Topic Comment,所以有關Comment已經被我刪除。

呢度唔係吹水台,可以任意post嘢。而根據小弟調查,這個貼Off Topic文章茂利是特區護照推廣者黑橋牌牛肉乾,根據呢度的纏擾政策,下鋪會公布IP。

5 thoughts on “呢啲係乜嘢預算案嚟?

  1. 資助粵劇你覺得大細超,我唔覺得算係問題。

    更大問題係佢只以為用錢就當幫忙,令人覺得佢幫得冇誠意先討厭。

  2. To Kenka:

    要振興粵劇唔係靠錢,而係成個行業制度現代化。問題係,呢樣嘢八和會館就係唔會做。

  3. 講番財政預算案,曾俊華呢條廢柴話要大幅加煙草稅,世澤你覺得佢係唔係聽左香港打劫學會既9up意見?

  4. 咁曾俊華條廢柴大加煙草稅,唔完全係聽打劫學會班友講,而係香港政府政策上對煙民越來越不友善係真。今年夏天就連酒吧等都要禁煙,唔依家加煙稅等幾時?

  5. 加煙草稅對政府收入幫補應該有限,而且可以想像政府要更大力打擊私煙,即是海關開支會增加。

    加稅的主要目的,是為了迫人戒煙。

發表迴響

你的電子郵件位址並不會被公開。 必要欄位標記為 *