旺電加租20%傻的嗎?

據聞旺電會大幅加租,加租幅度20%,搞到成班旺電商戶在2月18日罷市抗議。不過如果真係加得咁勁,我只可以用傻的嗎,來形容旺電的業主。

本來電腦散件的利潤己經唔係多,零售商在每件硬件,賺你四十元以上己經叫好叻仔,但大部分情況都係賺你十蚊雞。以前因為經濟唔算太差,人人都會一年買番兩三件硬件,咁叫有客流,無乜問題。依家經濟差成咁,大家要upgrade hardware都要諗過先,加租?不如提早執笠好過喇。

有啲膠人,一定以為自由行可以救到香港。錯得很,依家中國各大沿海城市工廠,成堆都接唔到訂單,乜仲有人有心情來自由行咩?佢地唔過期居留,製造社會問題己經要劏雞還神喇。

香港傻的嗎業主龍虎榜中,旺電一定有份。罷市都未必有用,因為香港地產界,充斥住呢挺膠人。

延伸閱讀:
hkepc對罷市的報導

2 thoughts on “旺電加租20%傻的嗎?

  1. 中國一百年來經歷的災禍,已經係世界之冠。希望今次三十年後得舊吉的改革,令到班中國人唔好再做”中國人”。如果班”中國人”遇到這麼大的災難,仍然硬膠。我都唔知點算。要中共倒台,都係花時間。

  2. 其實早在零七年年尾已經加過一次租,個時差唔多加一倍,係後尾傾掂數。我估佢今次都可能係做啲野,想唔減租,所以玩加租呢招。

發表迴響

你的電子郵件位址並不會被公開。 必要欄位標記為 *