由馬來西亞民聯看香港泛民

當今大馬中文版:倪可汉建议尼查补选披甲上阵

不論民主行動黨,在霹靂政府組成時,與回教黨關係有多爛都好,在重大關頭,倪可漢主動提出,由民聯的州務大臣尼查在補選披甲上陣,把補選定性為霹靂州政府主導權之戰,一舉借民意摧毀國陣政府合法性。另一方面,當卡巴星發膠音時,民主行動黨幾位元老,包括林吉祥、林冠英(檳城州首席部長)等全部出來止住那些發膠的人。

由馬來西亞民聯在戰略上果斷和團結,大家就明白為何民聯膠都好,但始終在遠比香港困難得多的環境下(有ISA威脅,國陣猶如無窮大的惡勢力,為所欲為,馬來西亞新聞自由有限),可以一舉攻下多州執政權。

反觀在2007年陳太葉劉之役,泛民有好果斷咁決定由陳太出戰咩,結果何秀蘭同勞永樂兩件膠人做過啲乜?政治唔係請客食飯,有啲重要關頭,係要果斷,有啲重要關頭,係要玩膠。陳太係唔係一個優秀議員唔重要,果場仗,目的只得一個,就係阻止希突奶上台,希突奶上咗台,成為特首大熱,入埋行政會議果陣,乜大家仲可以有聲出咩?分分鐘情況比依家更差。正如尼查本身係州議員,補選的國會議席並不包括他本身的州席,但基本戰略考慮,唔搵尼查搵邊個,我唔信國陣夠薑搵佢地嘅州務大臣來對撼。

大家明白點解我對香港泛民班硬膠,不論乜嘢黨都好,咁唔耐煩的原因未?

發表迴響

你的電子郵件位址並不會被公開。 必要欄位標記為 *