膠聞當道

有不少港聞記者,在積累一定年資和人脈後,就會寧願做公關,或轉行算數。除了因為現時當記者的薪水,與他們付出的辛勞不成正比外。不少行家的埋怨是,香港有太多硬膠採主,為了不得某些人,或為了一些自己奇怪的偏見,搞得香港膠聞當道。

以今天的新聞為例,曾蔭權前往廣東訪問,根本沒有什麼好報導,在訪問行程中,有什麼重大的政策揭示出來,如果只是那些新華社式的客套話,你報來幹啥。

有些新聞,如果以往一早被人媽爆,傳媒又好似無事發生。像丹拿山邨長者屋,如果在以往,一早被傳媒用審計署的「衡工量值」式標準插到阿媽都唔認得,結果傳媒好似無嘢咁,又或者聖誕日果個硬膠環保署拍賣網站,用「衡工量值」法評估根本係黐線嘅,結果傳媒就新聞處通稿,真係好嘢。

有些報導手法,就連唔少資深新聞人都認為係黐孖筋,最經常係做扒,依家電視新聞,係又做live,唔係又做live,但無衡量過畫面效果,搞到係廚房交俾廁所、廁所交俾客廳的怪事出嚟,懶親切唔駛咁嘛。

最後,有啲記者係用偏見嚟做新聞,例如唔少政治記者,以我所知好憎陳方安生,因為陳太做官期間,對華籍記者態度係唔多好。我做公關顧問嘅,我明白叫記者完全唔理自己impression嚟報新聞係無可能,但如果寫新聞時,完全為咗反陳太,就決定ignore葉劉好多問題,由番專業角度嚟講,我會覺得呢挺採主或記者都係好有問題。還好係,行內人稱老師的陳慧兒,她本身有唔少學生,她個人的江湖人脈係幫到陳太嘅。

新聞界有好多不可思議嘅問題,我只會有時客串打前鋒,所以可能得罪咗人,唔好見怪。如果大家對依家新聞界有乜睇法,只要唔好踩中誹謗人地、惡意轉載、以及性騷擾呢三條底線,可以喺呢度討論吓,無咗小圈子討論區,查實係有啲唔方便。(講明先,邊條友喺度發表性騷擾女主播嘅言論,即時公布IP問斬)

5 thoughts on “膠聞當道

  1. 單田,完全同意之至,時下大部份硬膠採主,更教壞下一代,只管叫新入行記者,一味同各部門io fd,以博取採訪所謂「大圍」、「中圍」、「細圍」故仔的機會。

    事實上,做記者根本不應跟io熟絡,因為,io給記者介紹的人和事,絕不會是好新聞,io介紹認識的官員和專家,也只會跟記者說政府的「德政」,而不會向記者大爆醜聞,更不會是好的消息來源。

    可惜,近年,本地靜態記者已不懂得發掘新聞,長期依靠io放料,為政府宣傳政令,而不去思考如何突破,如何拓展自己的人脈,情況非常可悲。政府表面非常透明,各部門設有io,但目的只有一個,就是「收編」記者。

    因此,記者應不按政府訂下的遊戲規則去「玩」,以免墮入當局的「圈套」,但這行的人卻不思進取,令人氣結。

  2. “依家電視新聞,係又做live,唔係又做live,但無衡量過畫面效果,搞到係廚房交俾廁所、廁所交俾客廳的怪事出嚟.”

    哈哈..

    昨天聽番吳曉東在香港電台的電台節目”大城小事” 的podcast, 佢講依家電視台為求快, 加上科技發達咗, 所以有理無理都派咗記者出去,記者一落機未採訪就做直播, 就會出現”我依家剛剛落機, 但根據xxxx(二手資料)…” 這些無畫面的新聞報導.

  3. To 嘉慶
    1. 利益申報先,我同大部分IO都唔熟,不過同一位靚女IO份屬大學同學兼舊同事兼好朋友,哈。

    2. 根據唔應該玩大圍攞料呢樣嘢,IO的作用係當記者要拎官方回應時,方便大家,唔好搞到缺席聆訊咁解,要IO放料,一如法官將成單案俾被告嚟審,結果當然係黐孖筋。

    3. 依家做台嘅,有啲記者本身係有腦兼有料,問題係,果啲膠採主會唔會俾佢地做好嘢至得架。

    To Sophie
    1. 依家嘅採主對畫面質素嘅要求,係好不可思議,好多時畫面鬆郁矇都照收貨,單嘢係唔係急到要用埋鬆郁矇畫面先,你估你去阿富汗訪問拉登?

  4. 單田,所謂大、中、細圍故仔,通常係指一dio,安排好哂的訪問,在某些採主眼中,這些「宣傳」稿很重要,否則就係「漏野」,所以要同io fd,哈。

    我同意這些訪問也應該去做,但報社也應要求記者透過其他渠道,取得新聞來源,否則,記者的功用無異gis的發稿機。

發表迴響

你的電子郵件位址並不會被公開。 必要欄位標記為 *