英國下議院議員如何辭職

如果你答遞辭職信俾議長就得,咁就大錯就錯,正確程序,係申請兩個純粹為俾國會議員脫逃的皇室職位。

House of Commons Information Office: The Chiltern Hundreds

根據1623一項決議,英國下議院議員,唔計死咗,或接受貴族職銜,否則只有接受皇室個別受薪職位,才能辭職,因為英國國會極不鼓勵身為人民代表隨便辭職(唔俾你脫逃)。

但唔俾議員辭職查實係好膠,但隨便俾議員辭職又講唔過去,咁點。結果有兩個名存實亡的皇室職位,就留喺呢個世上,作用係俾國會議員辭職。呢兩個職位係Crown Steward and Bailiff of the three Chiltern Hundreds of Stoke, Desborough and Burnham同埋Manor of Northstead,根據House of Commons Disqualification Act 1975,呢兩個職位唯一用處,係俾國會議員辭職。

而辭職程序係咁,先向財政大臣遞申請上述兩個職位申請書,之後財政大臣一般依例發封委任狀你,財政大臣將委任狀傳到議長同反對派領袖辦公室後,果位議員在委任狀簽完紙就被取消資格。而呢兩個硬膠職位的委任期無限長,直到有新人脫逃申請呢個位為止,一般財政大臣依例批准的。但財政大臣自己想連國會議席都要辭果陣可以點做,小弟就木宰羊。

英國係一個咁妙的國家,一堆史前化石,仍然係英國現行法律一部分。一如香港居然仍然在財產繼承法中,需要參照《大清律例》一樣(因為1971年《婚姻改革條例》生效前的所有婚姻依然有效),這就是英國。

3 thoughts on “英國下議院議員如何辭職

  1. 有點九唔搭八,又真係幾膠下,頗為低能。
    但不失為一個「搞笑」的辭職手法。
    香港立法會要學佢啦。

  2. 倒不如話因為當年根本冇諗過有人會辭職。
    (因為國會議員真係人民代表,人民揀得你做代表,辭乜鬼野職)
    而議員理論上唔可以做任何政府受薪職位(大臣除外),於是就拎黎當辭職方法。

發表迴響

你的電子郵件位址並不會被公開。 必要欄位標記為 *