私人研究

房協班膠到無朋友嘅官僚,居然諗到要喺丹拿山邨興建長者屋,結果林忌追房協追九條街,連皇仁校長丹拿喺當地嘅歷史,北角七景呢啲掌故都抬出嚟,我估房協班硬膠一定嚇到腳軟。

林忌對丹拿山嘅研究,當然不是魔術師變出來的功夫,如果平日無底,任憑他善用Google都沒用。這是私人研究的功勞,亦即平日有空時,工餘時間做的一些研究,而目的不是為沙紙,或者研究經費、或者工作,純粹貪過癮。像我個人研究香港人英籍問題,就是這樣。

所謂達人,查實就是私人研究所造就,在德、日社會,就是這樣。本來維基百科成功,就是因為聚集了很多「達人」,由這些「達人」與你分享知識,切磋武功,令水平更進一步。但華人社會,除了巴士迷、鐵路迷之類,甚少人是熱中於做私人研究,所以很容易思考貧血,甚至俾膠人滾咗都唔知。

要走向知識型社會,不會被人當水魚來劏,鼓勵私人研究查實係重要。問題係,一個功利到好似香港咁嘅社會,願意做人地眼中嘅傻佬有幾多個?

3 thoughts on “私人研究

  1. 本人對於各國免簽證資料的研究也是純粹出於過癮,也出於對港共入境處的不信任,怎知原來結果可以出人意表,BN(O)免簽證國家及地區竟然比特區護照多…所以好多時唔好信權威,權威多數都或多或少講大話,想知真相,就要自己落手落腳去研究,但香港人….唉…算吧啦…

  2. 報料: 平時去旅行, 報名的時候旅行社會要求你個護照要有六會月有效期, 不論去何處都係; 但係原來不同地區既要求係唔同既, 比如日本就沒有這個要求, 只要護照還未過期就可以入境了;

發表迴響

你的電子郵件位址並不會被公開。 必要欄位標記為 *