香港打劫學會

我決定,日後叫香港稅務學會叫香港打劫學會,請先睇以下膠聞:

星島日報:稅務學會倡重研消費稅

稅務學會估計,今個財政年度會錄得赤字,與政府估計的七十五億元相若,料○九年經濟環境欠佳下,政府在下個財政年度要制訂數百億元的赤字預算。該會認為目前未有空間減稅,並建議重新研究商品及服務稅以擴闊稅基。

稅務學會會長龔永德表示,該會倡議將目前低收入人士的交通津貼,由四區擴大至全港,預計政府每年要多付三十億元。但他稱政府不宜退稅及減稅,對消費券亦有保留。

依家人人都絞盡腦汁,諗點樣谷起消費,甚至膠到連消費券都提來果陣,呢件龔永德,為咗佢間KPMG的生意,竟然要提消費稅,呢啲正正係譚偉豪式趁火打劫。而鋪鋪香港經濟唔好果陣,呢個學會就會以稅基為理由,提埋晒啲硬膠建議。

仲有陳茂波,呢條友好似會計界的人都唔駛消費咁,為咗佢果些partner利益,附和龔永德嘅建議,不如咁,陳茂波下屆唔好選會計界,不如選打劫界,同賴昌星、張子強、葉繼歡爭一日之長短。

所以,香港打劫學會,至能夠描述呢個會的本質。

發表迴響

你的電子郵件位址並不會被公開。 必要欄位標記為 *